Memoriali i Holokaustit në Tiranë, Ambasadori i Izraelit: Mirënjohje për veprën kurajoze të popullit shqiptar!

“Nëse durojmë gjithë këtë vuajtje dhe nëse kur kjo të përfundojë do të ketë sërish hebrenj të mbetur atëherë ata në vend që të jenë të dënuar do të mbahen si shembull.” Me këto fjalë të Ana Frank, Ambasadori i Izraelit në Shqipëri, Noah Gal Gendler nisi fjalëne tij me rastin e përurimit të Memorialit të Holokaustit në Tiranë ku shprehu mirënjohjen e hebrenjve për veprën kurajoze të popullit shqiptar:

“Jemi këtu për të ndarë mesazhin e paqes e të tolerancës, duke dëshmuar dhe duke kujtuar veprat më mizore të njeriu dhe të ideologjisë të errët. Do të doja të falenderoja SHBA, gjithmonë një vend udhëheqës që përherë i nis këto veprimtari përkujtuese dhe ofron vlera edukuese për brezat e ardhshëm. Është një moment kuptimplotë për ne do të doja përgëzoja Bashkinë e Tiranës që na ka dhënë një vendndodhje kaq të shkëlqyer ku mund të vijnë kaq shumë vizitorë të parkut të Tiranës,” tha Ambasadori Noah Gal Gendler ndërsa shprehu mirënjohjen e hebrenjve për, siç tha, një akt të shkëlqyer nga një vend i vogël që shëmbëllen vlerat e njerëzimit, të sakrificës e të dashurisë.

“Sot ne manifestojmë mirënjohjen e hebrenjve për veprën kurajoze të popullit shqiptar. Një akt i shkëlqyer nga një vend I vogël që shëmbëllen vlerat e njerëzimit, të sakrificës e të dashurisë. Vlera që ende vijojnë të jenë të qenësishme në Shqipëri,” tha Ambasadori i Izraelit në Shqipëri, Noah Gal Gendler duke përfunduar:

“Edhe gjatë pandemisë e pamë që Shqipëria dërgoi mjekë në Itali. Shqipëria do të shërbejë gjithmonë pishtar tolerance, si vend mikpritës, me sjellje shembullore njerëzore. Nëse shumë kombe do të mësonin këtë pjesë të Shqipërisë, kjo do të ishte e shkëlqyer.”

Edi Rama, fjalët e arta në mbrojtje të hebrenjve!

Me rastin e përurimit të Memorialit për Holokaustin në Tiranë, Kryeministri Edi Rama në fjalën e tij kujtoi një histori që, siç tha, bën me nder jo vetëm klerin por çdo shqiptar.

“Mbetet e jashtëzakonshme për historinë e klerit shqiptar, autoritetet më të larta të të cilit u thirrën në Berlin në kohën e një vakumi, kur u konsideruan si pala me të cilët pushtuesit mund të negocionin, iu kërkuan dy gjëra: E drejta mbi arin e Shqipërisë së depozituar në Itali dhe lista e hebrenjve të strehuar në Shqipëri. Të gjithë përfaqësuesit më të lartë të klerit, të krishterë dhe myslimanë dhanë një përgjigje që besoj është një nga fjalët e arta të historisë së vetë klerit,” tha Edi Rama duke përfunduar:

Arin po, hebrenjtë jo!”