Peqin-Elbasan, aksident i rëndë, policia jep detajet

Një aksident i rëndë automobilistik ka ndodhur në aksin e rrugës nacionale Peqin-Elbasan ku kanë mbetur 5 të plagosur 3 prej të cilëve në rrezik për jetën.

Burime nga vendngjarje bëjnë me dije se aksidenti ka ndodhur në fshatin Përparim të Peqinit, pas një parakalimi të gabuar ku makina ka dalë nga rruga si pasojë e shpejtësisë, ka humbur drejtimin dhe më pas është përmbysur.

Ndërkohë, njëri nga automjetet, pasi ka humbur drejtimin, është përplasur me mjet tjetër.

Për pasojë, të dyja automjetet kanë pësuar dëmtime serioze dhe 3 personat që ndodheshin në to kanë mbetur të plagosur.

Makina që ka humbur drejtimin ka goditur një tjetër, që gjithashtu ka përfunduar jashtë rruge.

Njoftimi i policisë:

Në aksin rrugor Elbasan-Peqin, në fshatin Përparim, Peqin, mjeti tip “BMW” me drejtues shtetasin E.D., banues në Cërrik është përplasur me mjetin tip “Opel”, me drejtues shtetasin P.H., banues në Peqin.

Si pasojë e aksidentit është plagosur drejtuesi i mjetit “Opel” dhe shtetasja F.H., e cila ishte pasagjere në mjetin tip ” Opel”, të cilët janë transportuar në Spital dhe janë jashtë rrezikut për jetën.

Grupi hetimor ndodhet në vendngjarje dhe nga hetimet paraprake dyshohet se shkaku i aksidentit është parakalimi i gabuar i mjetit tip “BMV “.