Më rëndë se shefi, Hoti: Dialogu teknik ka përfunduar, sot nis dialogu për njohje reciproke!
Kryeministri i Hashim Thaçit, Avdullah Hoti, deri sot është identifikuar si “pedagogu i urtë” por shumë shpejtë pasi u ul në fronin e të parit të qeverisë, rezulton se është më rëndë se shefi i tij. Hashim Thaçi kaloi gjysmën e parë të mandatit të parë për të kaluar në mashtrime dhe premtime kot, por Hoti nuk priti aq shumë. Sot, para takimit të Brukselit ku pritet të takohen koordinatorët e Kosovës dhe Serbisë, tha se dialogu teknik ka përfunduar dhe se ka nisur dialogu për njohje reciproke, dhe draftimi i kësaj marrëveshjeje.
Nuk është e qartë dhe Hoti nuk e sqaroi se pse duhet dialog për njohjen e Serbisë kur ajo është anëtare e OKB, apo thjeshtë publikoi një fjalim që i kishin dhënë, në rrjetin social Facebook edhe nëse është përplotë me marrëzi.
Gjithsesi ky është postimi i tij i plotë:
Dialogu nuk ka alternativë. Por, dialogu teknik ka përfunduar. Tani Kosova ka nisur dialogun për njohje reciproke, dhe sot në Bruksel fillon draftimi i kësaj marrëveshje.
Qasja refuzuese ndaj dialogut dhe ndaj miqve tanë në të kaluarën e afërt na ka izoluar. Shtëpia nuk mbahet pa miq.
Kosova ka një Kryeministër që po i ushtron autorizimet kushtetuese pa lejuar asnjë ndërhyrje në ato autorizime, por duke e koordinuar agjendën e shtetërore të Kosovës me bartësit e institucioneve, me partnerët e koalicionit dhe me opozitën, si dhe duke e mbajtur plotësisht të informuar publikun e gjerë.
