Ilir Meta abuzon edhe me Nënën Mbretëreshë Geraldinë

Pasi abuzoi me opozitën, shqiponjën dhe flamurin kombëtar, Presidenti i Republikës Ilir Meta sot abuzon edhe me 105 vjetorin e lindjes së Nënës Mbretëreshë Gerladinë. Abuzon sepse në ditën kur u shua Nëna Mbretëreshë Gerladinë, 22 Tetor 2002, Qeveria socialiste ku Ilir Meta ishte Zv/kryeministër dhe Ministër i Jashtëm, nuk i bëri as nderimin më të vogël shtetëror:

Dhe përkundër që ishte dhe është shqiptarja më e madhe në historinë e këtij kombi, u varros me një ceremoni të rëndomtë qytetare.

Në 18 vjetorin e kësaj tallje makabër dhe 105 vjetorin e lindjes së Nënës Mbretëreshë Gerladinë, Ilir Meta sot Presidenti i Republikës përmes rrjetit social Facebook shprehet:

“Një jetë Shqipërisë, begatisë, përparimit dhe europianizimit të plotë të saj, shembull i dashurisë e besnikërisë së përjetshme për Atdheun edhe kur ai i ktheu shpinën, vepra e Mbretëreshës Geraldinë vazhdon ende të frymëzojë e të na bëjë krenarë të gjithëve.”

Nuk dihet nëse e fal Zoti, por Ilir Meta e din se çfarë po bënë, që LSI të vjen në pushtet!

Ja statusi i plotë:

“Ndonëse ky vend ju ka sjellë shumë më tepër brenga sesa gëzime…ju na jepni një mesazh të gjithëve, mesazhin fisnik se: Atdheu mund të jetë i dashur edhe kur është i varfër dhe i vështirë”.

Zgjodha këtë pasazh nga letra e shkrimtarit tonë të madh Ismail Kadare, dërguar Mbretëreshës Geraldinë në 12 mars 2002, për të përkujtuar sot 105-vjetorin e lindjes së saj.

Është një nga përkufizimet më të arrira për të gjithë trashëgiminë e vyer që na la “Trëndafili ynë i bardhë”.

Një jetë dedikuar Shqipërisë, begatisë, përparimit dhe europianizimit të plotë të saj, shembull i dashurisë e besnikërisë së përjetshme për Atdheun edhe kur ai i ktheu shpinën, vepra e Mbretëreshës Geraldinë vazhdon ende të frymëzojë e të na bëjë krenarë të gjithëve.