Heqja e vizave nga SHBA, Grenell përgënjeshtron Selimin

I Dërguari i Posaçëm i Presidentit të SHBA, Donald Trump, për dialogun Kosovë-Serbi, Richard Grenell, e ka quajtur të pavërtetë informacionin se Kosova do të hyjë shumë shpejtë në programin Visa Waiver Program, VWP, për heqjen e vizave me Amerikën.

”S’është e vërtetë”, është shprehur Grenell në një reagim të tij përmes rrjetit social Twitter.

Ky përgënjeshtrim vjen pas një statusi të Petrit Selimit, i cili kumtonte lajmin e thënë dje nga Ministri i Drejtësisë Selim Selimi, se Kosova se shpejti do të hyjë në programin e VWP, ku kosovarët s’do kenë më nevojë për viza për të udhëtuar në Shtetet e Bashkuara.