SHBA-Serbi, Deklaratë të përbashkët për zbatimin e marrëveshjes së Washingtonit
Kryeministrja e Serbisë, Ana Bërnabiç dhe Drejtori Ekzekutiv i Korporatës Ndërkombëtare të Financave dhe Zhvillimit në SHBA, DFC, Adam Boehler, nënshkruan një Deklaratë të përbashkët, përmes së cilës zotohen të zbatojnë Marrëveshjen e 4 shtatorit të arritur në Washington nga Kosova dhe Serbia.
Në ceremoninë e nënshkrimit të deklaratës u bë edhe hapja solemne e Zyrës së Korporatës Ndërkombëtare të Financave dhe Zhvillimit së SHBA-së në Beograd, zotim ky nga Marrëveshja e 4 Shtatorit.
Vuçiç: Serbia do të zbatojë Marrëveshjen e 4 shtatorit
Pas nënshkrimit të Deklaratës, Presidenti serb Aleksandar Vuçiç tha se Serbia do të zbatojë obligimet dhe Marrëveshjen e Washingtonit.
Kjo është një ditë e rëndësishme për bashkëpunimin tregtar mes Serbisë dhe Shteteve të Bashkuara, tha Vuçiç duke shtuar:
“Absolutisht jam i sigurt se mund të arrijmë rezultate të mëdha me miqtë tanë amerikanë. Kjo është një ditë e mirë për Serbinë. Aty ku amerikanët duan të investojnë, atje ku është agjencia amerikane e zhvillimit, ka punë,” tha Presidenti i Serbisë, Aleksandar Vuçiç, duke u shprehur krenar që Zyra e DFC po hapet në Beograd.
Ndryshe, e njëjta deklaratë, raporton RFE, mes Korporatës Ndërkombëtare të Financave dhe Zhvillimit të SHBA-së dhe Kosovës, u nënshkrua dje nga Boehler dhe kryeministri i Kosovës, Avdullah Hoti.
