Kushti për Shqipërinë, Komisioneri për Zgjerim: Gjykata Kushtetuese para Konferencës së Parë Ndërqeveritare

Duke mirëpritur hapjen e procedurave për dy vakancat në Gjykatën Kushtetuese, Komisioneri për Zgjerim dhe Fqinjësi pranë BE, Oliver Varhelyi, e ka bërë të qartë se kërkesë kryesore e Këshillit Europian është ngritja e kësaj Gjykate para Konferencës së Parë Ndërqeveritare mes Shqipërisë dhe BE.

“Mirëpres hapjen e procedurave të aplikimit për 2 vakancat për në Gjykatën Kushtetuese. Është thelbësore që të gjitha autoritetet ta mbështesin këtë proces pa vonesë. Kjo është një kërkesë kryesore e Këshillit Europian,” e bëri të qartë Komisioneri Varhelyi përmes rrjetit social Twitter ndërsa ishte i prerë:

“Të ketë përfundime para Konferencës së Parë Ndërqeveritare. BE vazhdon të mbështesë Shqipërinë në rrugën e saj të pranimit!”