Zotimi, Basha nga Elbasani: Zgjidhja, shkëputja e krimit nga pushteti!

Kryetari i Partisë Demokratike, Lulzim Basha, duke konstatuar pas takimit me qytetarët dhe biznesin e qytetit të Elbasanit, një situatë të rënduar nga krimi për shkak të bashkëpunimit me pushtetin, ai tha se zgjidhja e vetme është shkëputja e krimit nga pushteti.

“Thirrja ime është të bashkohemi për të nisur së bashku një rrugë tjetër, për të ndryshuar menjëherë kurs, sepse kjo rrugë ka shkatërruar ekonominë dhe të ardhmen e shqiptarëve. Një rrugë tjetër është ajo që sjell shpresë për rininë,” tha Lulzim Basha duke bërë dhe një nga zotimet e para nga qyteti i Elbasanit:

“Situata e krimit në Elbasan është rënduar për shkak të bashkëpunimit me pushtetin. Nuk ka njeri në Elbasan që nuk e ka kuptuar këtë. Zgjidhja është shkëputja e krimit nga pushteti. Ky është një nga zotimet e mia të para.”