Të interesuar biznesmenët që shantazhohen, Rama: Ligji i medias do miratohet!
Ndonëse e pranon se Ligji nuk zgjidh murtajën e shpifjeve dhe fake news, Kryeministri edi Rama tha se Ligji i medias i njohur ndryshime si Paketa Anti-shpifje do të miratohet. Dhe, ashtu si në rastin e Listave të hapura kur tha se e kërkojnë qytetarët dhe nuk i hapi, sot tha se të inetersuar për këtë Ligj janë të interesuar biznesmenët që shantazhohen dhe normalishte nuk e ka për ta. Pse duhet ta ketë?!
“Ligji do kalojë jo për të mbyllur gojën e gazetarëve, por që të gjithë të flasin dhe të mbrohen ata që janë pjesë e sulmeve të pabaza. Ligji u diskutua për 1 vit dhe me OSBE, u nisëm me modelin gjerman, na u tha që nuk është demokratik, vazhduam me modele kroate dhe të tjera dhe më pas bëmë një shumë demokratik, të mbështetur në konsulencë me OSBE. Sipas këndvështrimit tim ligji nuk trajton plagën apo atë murtajën e shpifjeve, sulmet personale dhe diskriminimin, por ofron mundësinë që njerëzit të mbrojnë veten kur gjendjen të sulmuar. Kur po flisnim për këtë ligj mbështetja më e madhe erdhi nga njerëzit e biznesit se ata shantazhohen çdo ditë,” tha Edi Rama pas takimit me ministren e Jashtme e Suedisë, Ann Linde, pa sqaruar se si mund të shantazhohen biznesmenët kur janë qelibarë!
Dhe, sërish e mbrojt me kokëfortësi:
“Ne e dërguam ligjin në Komisionin e Venecias. Ajo nuk tha se ligji është në kundërshtim me parimet demokratike, ka dhënë disa rekomandime që do i vlerësojmë një nga një dhe do ta miratojmë ligjin, se në këtë xhungël lajmesh të rreme, sulme dhe keqedukim të të rinjve, shkelje të etikës së medias duhet që njerëzit të kenë të paktën të drejtën të mbrohen përballë dikujt që fshihet pas anonimatit dhe burimeve të jashtme. Është e thjeshtë. Kjo nuk mund të vazhdojë, ju këshilloj të gjithëve të shihni filmin: Dilema sociale,” tha Kryeministri Edi Rama pa gjetur zgjidhje që në këtë xhungël lajmesh të rreme, sulme dhe keqedukim të të rinjve, shkelje të etikës së medias, kontribuesi më i madh është kabineti i tij qeveritar dhe vetë Ai!
Ndryshe, ministrja e Jashtme, Ann Linde, do të jetë pasuesja e Edi Ramës në krye të Organizatës për Siguri dhe Bashkëpunim në Evropë , pas marrjes së kryesimit të OSBE nga Suedia.
