Forca Detare me komandant të ri!

Gjeneral brigade Ilir Xhebexhia do të jetë komandanti i ri i Forcave Detare të Shqipërisë.

Lajmin e ka bërë të ditur ministrja e Mbrojtjes, Olta Xhaçka, duke i uruar suksese në detyrë ndërsa shpreh besimin në vijimin e procesit të modernizimit e profesionalizimit.

“Nga investimi te burimet njerëzore, te modernizimi me armatim të anijeve të klasit ‘Iliria, e deri te Sistemi i ri i Vëzhgimit Detar,” thekson ministrja Xhaçka.

Ndryshe, Gjeneral brigade Ilir Xhebexhia është një ushtarak me një karrierë të shkëlqyer kudo ku ka shërbyer, si: zëvendëskomandant në Qendrën e Radiozbulimit, shef Sektori i Operacioneve dhe Stërvitjes, në Forcën Tokësore, drejtor i Drejtorisë së Operacioneve dhe Stërvitjes në Shtabin e Përgjithshëm të FA.

Më 28 Shtator 2020, në Përfaqësinë Ushtarake të RSH në NATO ku shërbente si Zv/Përfaqësues, në prani të ambasadorit të RSH në NATO, z. Visho Ajazi Lika dhe përfaqësuesit ushtarak të RSH në NATO, gjeneralmajor Nazmi Cahani, iu vendos grada gjeneral brigade Ilir Xhebexhia.

Përveç se Zv/Përfaqësues ushtarak i RSH në NATO ishte dhe atashe ushtarak i RSH në Mbretërinë e Belgjikës, jo-rezident në Republikën e Francës.