Ministri i Jashtëm i Greqisë në Tiranë, policia dhunon dhe shoqëron dhjetëra çamë!
Vizita në Tiranë e Ministrit të Jashtëm të Greqisë, Nikos Dendias, nuk kishte si të pritej ndryshe nga çamët përveç se me protesta, por për regjimin e Edi Ramës kjo ishte e papranueshme dhe u ndëshkua me dhunë policore dhe shoqërimin në polici të dhjetëra protestuesëve çamë dhe jo vetëm.
”Po shoqërojnë? Atëhere hajde ta bëjmë ndryshe. Duhet t’i kujtojmë me forcë eunukëve që kemi këtu, Rama ka bërë një rezolutë për çamët, betohej për Çamërinë më shumë se ne, dhe nga kalorës i çamëve, u bë Kali i Trojës së Greqisë. Do e vijojmë deri në fund protesta,” tha Kryetari i PDIU, Shpëtim Idrizi, i cili sqaroi se forcës politike që ai drejton i ishte refuzuar leja për të protestuar kundër vizitës së ministrit të jashtëm grek,
Në momentin kur protestuesit po tentonin të bllokojnë rrugën ndërsa Dendias po vinte në takimin e parë zyrtar në MEPJ me Zv/Ministrin, Gent Cakaj policët nuk kursyen as gazetarët nga dhuna.
Arsyet e dhunës pritet ti sqaroj Ish-Gjeneral Sandër Lleshaj por ajo pasoi teksa protestuesit po thërrisnin asgjë më se TURP!
Kryetari i PDIU, Shpëtim Idrizi, tha se Shqipëria ka humbur mjaft tokë e det dhe s’duhet të vijojë më, por Greqia edhe në kohë COVID-i i flet vendit tonë me duart e forta.
”Jam i detyruar që të bëj një prononcim të shkurtër. Është një shtetrrethim i vërtetë nga Policia shqiptare. Kishim bërë kërkesë për protestë paqësore me rastin e vizitën së ministrit të jashtëm grek. Për t’i kujtuar çështjen çame, kërkimin e faljes, pronat, sigurisht edhe për kufijtë detarë. Shqipëria boll ka humbur tokë e det. Fatkeqësisht leja dhe njoftimi jonë është refuzuar me justifikimin e COVID-19. Ne do e bënim me distancim social, pankarta dhe foni. Fatkeqësisht ësthë i turpshëm reagimi dhe arsyeja. Shohim përditë asambletë e Ramës, mbledhje partie e konferenca dhe s’ka problem. Nuk e zgjodhëm ne që në kohë COVID-i të bëjmë protestë, por në kohë COVID-i Greqia në flet më duart e forta,” tha Idrizi duke përfunduar:
“Më vjen keq që jemi duke u vendosur para vëllezërve tanë të Policisë, jam i bindur që mendojnë si ne. Ne nuk ke mi dalë të fshihemi.”
Dhe si kurrë më parë, vizita zyrtare e një Ministri të Jashtëm nuk filloi me tapet të kuq kur me gjak të kuq. Për këtë ndoshta edhe nuk duhet të falënderohet Nikos Dendias më shumë se sa servilizmi i pushtetit që përdorë dhunën pa vend që na viti 2013.
Çamët për shumë arsye sot edhe mund të thërrasin “Turp, Turp”, por regjimi i Edi Ramës për asnjë arsye nuk kishte se pse të sillet në këtë mënyrë barbare.
Sepse, sot, PDIU proteston vetëm kundër vizitës së Nikos Dendias për Marrëveshjen e Detit, dhe Policia gjenë për sebep lejen e munguar për protestë për të dhunuar dhe shoqëruar në polici dhjetëra protestues.
Dhe, pas këtij takimi me Cakajn, Dendias i kënaqur me dhunën e servirur nga policia e Lleshajt ndaj çamëve, vazhdoi rrugën drejtë Kryeministrisë për takim me Edi Ramën.
Me këtë axhendë u zhvendos dhe protesta e çamëve dhe jo vetëm, që vazhduan protestën para Kryeministrisë.
