Nuk ka para por themeloi Parti, Topalli: Ju ftoj, eja me ne, të sjellim ndryshimin!
Kur kishte para dhe pushtet militonte në partinë e Sali Berishës, sot kur thotë se nuk e ka asnjërën prej tyre, Ish-Nënkryetarja e PD, Jozefina Topalli themelon parti edhe pa para dhe fton shqiptarët ti bashkohen ta sjellin ndryshimin sepse është në hall të madh, pasardhësi i Doktorit, nuk po i jep as para dhe as pushtet.
“Nuk kam para e as vende për t’iu premtuar vetëm sfidë, nuk kam pushtet, por vullnetin që ky vend mund të bëhet. Prandaj ju ftoj eja me ne, të sjellim ndryshimin,” tha sot në zyrtarizimin e partisë “Lëvizja për ndryshim”, Jozefina Topalli, duke u konfirmuar shqiptarëve jo gjithçka që thuhet për përçarjen e Partisë Demokratike me para nga Edi Rama është thashethem.
“Vendi është në buzë të greminës. Çdo ditë takohemi me paradokse, ndërkohë vendet e punës po shkatërrohen dhe bizneset po mbyllen. Nuk ka as qeveri dhe as opozitë të besueshme, qytetari nuk ka ku të gjejë drejtësi, gjykata administrative është afër kolapsit, të shkallës së janë duke u degraduar. Asnjëri nuk është i sigurt dhe një ditë të gjithë do të takohemi me këto sfida. Nuk kemi kohë me pritur. Jemi 6 muaj përpara zgjedhjeve,” tha Topalli duke shtuar se frikë duhet të kenë ata që vjedhin por në asnjë moment nuk guxoi të thotë Rama pa thënë Basha dhe larg qoftë Meta pa thënë Rama dhe Basha.
“3 kryetar nuk mund të mbajnë peng 3 mln shqiptarë, ka gjithmonë dy mundësi në jetë të pranosh kushtesh apo të marrësh përgjegjësinë për të ndryshuar, por të mos pretendojmë që gjërat do të ndryshojmë nëse do i bëjmë në të njëjtën mënyrë, Shqiptarët nuk ulin kokën para. Nuk duhet të ketë një Shqipëri të Ramës, të Metës apo të Lulit, kurrë nuk e kam humbur shpresën në këto vite të fundit, kam qenë e trishtuar. Ky vend ka nevojë për drejtësi sociale, një lider që jep llogari para qytetarëve që punojnë për interesin publik, duhet një qeveri që del nga votat dhe një opozitë që nuk korruptohet për interesat e udhëheqësit.”
Nuk dihet se kush ja kërkoi, por atë që nuk bëri 8 vjet sa ishte në pushtet si Nënkryetare e PD dhe Kryetare e Parlamentit, u zotua sot, se do të bëhet avokate e interesave shqiptare, tani me themelimin e partisë pa para dhe pa pushtet:
“Dua të bëhem avokatja e interesave tuaja, prandaj bëhuni autor të fatit tuaj, mos kini frikë, jeta juaj është një ndërmarrje madhe, jeta është një spektakël i pabesueshëm, ditën e sotme do ta kujtoni gjatë. Frikë duhet të kenë ato që vjedhin, që mbajnë peng vendin e partitë, bashkë kemi përvojën, vullnetin dhe dijen, nuk kam para e as vende për t’iu premtuar vetëm sfidë, nuk kam pushtet, por vullnetin që ky vend mund të bëhet. Prandaj ju ftoj eja me ne, të sjellim ndryshimin dhe rrezen e shpresës,” tha Jozefina Topalli duke hedhur themelet e partisë së pestë me qëllim dobësimin e Partisë Demokratike dhe fitoren e donatorit që deri më sot është përfolur kot, Edvin Kristaq Rama!
