Kaçanik, përurohet segmenti i tretë i autostradës “Arbën Xhaferi”

Sot do të përurohet segmenti i tretë i autostradës “Arbën Xhaferi”, Prishtinë-Hani i Elezit.

Përurimi këtij segmenti, do të mbahet nën moton e fushatës “JO SHPEJTËSISË, PO SIGURISË”, e cila fushatë ka për qëllim vetëdijësimin e ngasësve të automjeteve dhe rritjen e sigurisë në trafik.

Ceremonia e përurimit të segmentit të tretë (parafundit) do të mbahet në hyrjen “Doganaj” të Kaçanikut, me fillim nga ora 11:00.

Në ceremoninë e përurimit të segmentit të 3-të Bibaj – Doganaj, të autostradës R6 “Arbën Xhaferi”, do të marrin pjesë Kryeparlamentari Kadri Veseli dhe kryeministri Ramush Haradinaj.