Zbardhet e vërteta e takimit Rama-Meta…

Kryeministri Edi Rama dhe Presidenti Ilir Meta kanë zhvilluar një takim pasditen e djeshme në Presidencë. Sikundër raportohet takimi është bërë me kërkesë të Kreut të Qeverisë.

Pafrike.al ka mësuar se çështja e diskutuar ka të bëjë me ngritjen e kampit të refugjatëve në Shqipëri, një ide që po qarkullon prej disa ditësh në kancelari dhe mediat ndërkombëtare.

Presidenti Meta është kreu i Këshillit të Sigurisë kombëtare, çka do të thotë se për një çështje kaq të madhe që prek sigurinë kombëtare, Rama nuk mund të marrë një vendim pa u konsultuar apo dakordësuar më parë të paktën me Kreun e Shtetit.

Gjithçka po zhvillohet në një mjegullnajë informacionesh, situatë e ngjashme me atë të krijuar për armët kimike, kur Edi Rama u përball me një presion popullor në rritje, për shkak se kishte premtuar demontimin e tyre në Shqipëri.

Presideënti Meta deri më sot nuk ka shfaqur asnjë deklaratë publike lidhur me mundësinë e ngritjes së një kampi të tillë, nëse e mbështet ose jo, ndërsa opozita ka deklaruar se vendimi nuk mund të merret ngta një njeri i vetëm, qoftë ky edhe Kryeministër.

Të paktën dy kryeministra, ai i Bullgarisë dhe Danimarkës, kanë deklaruar se kampi mund të ngrihet në Shqipëri, ndërsa kancelari austriak ka deklaruar se kampi mund të ngrihet në dy vende jashtë BE-së, një që përdoret si tranzit për shkak të detit dhe tjetri që ka pritur një numër të madh emigrantësh. Të dy vendet jashtë BE referuar kësaj janë Serbia dhe Shqipëria.

Plani për ngritjen e kampit vijon të mbetet konfidencial, megjithëse mediat më të mëdha ndërkombëtare kanë raportuar detaje se Austria dhe disa vende të BE kanë propozuar ngritjen e një qendre për refugjatët në një vend jashtë BE-së.

Referuar kësaj, atëherë të vetmet vende që janë jashtë BE-së në Europë janë ato të Ballkanit Perëndimor ku përfshihen Shqipëria, Kosova, Mali i Zi, Serbia, Bosnje dhe Maqedonia.

Autoritetet shqiptare janë shfaqur konfuze në deklarimet publike. E ndërsa një prej këshilltarëve të Edi Ramës ka mohuar një gjë të tillë, zv.ministrja e Brendshme, ka deklaruar se Shqipëria i ka kapacitetet për të pritur refugjatët.