Spitalet në kolaps, Basha: Çfarë bën Rama? Asgjë! Nuk investon në Shëndetësi por…

Pas shifrave alarmante nga Ministria e Shëndetësisë mbi të infektuarit me COVID-19, ka reaguar Kryetari i Partisë Demokratike, Lulzim Basha, duke dhënë alarmin se Spitalet janë në kolaps, të sëmurët dergjen në ambulanca dhe Kryeministri Edi Rama nuk bën asgjë. Madje ai nuk ka asnjë plan

“Dje kishim mbi 500 raste të reja të raportuara të koronavirusit në Shqipëri, numri rekord më i lartë që nga fillimi i pandemisë. Çfarë bën Rama? Asgjë! Ai nuk ka asnjë plan. Rama ju merr shqiptarëve lekët e taksave, dhe në vend që ti investojë në shëndetësi, jua jep miqve të vet,” tha Lulzim Basha në reagimin e tij përmes rrjetit social Facebook duke shtuar se pasi shkatërroi ekonominë, tani Edi Rama po shkatërron jetët dhe shëndetin e njerëzve ndërsa përfundoi:

“Ai duhet të largohet. Bashkë do ti fitojmë zgjedhjet, do ta ngremë ekonominë dhe do të sigurojmë ndihmë për çdo familje.”

Ndryshe, sipas bilancit të fundit zyrtar, Ministria e Shëndetësisë raporton se pas testimit të 1.942 personave të dyshuar gjatë 24 orëve të fundit 501 prej tyre rezultuan pozitiv me COVID-19, duke e çuar në 11.555 numrin e rasteve aktive në Shqipëri, 374 prej të cilëve janë të shtruar në spital ndërsa janë 559 qytetarë që kanë humbur jetën nga shpërthimi i pandemisë.

Reagimi i plotë:

Dje kishim mbi 500 raste të reja të raportuara të koronavirusit në Shqipëri, numri rekord më i lartë që nga fillimi i pandemisë.

Çfarë bën Rama? Asgjë! Ai nuk ka asnjë plan.

Spitalet janë në kolaps, të sëmurët dergjen në ambulanca.

Rama ju merr shqiptarëve lekët e taksave, dhe në vend që ti investojë në shëndetësi, jua jep miqve të vet. Pasi shkatërroi ekonominë, Rama po shkatërron jetët dhe shëndetin e njerëzve.

Ai duhet të largohet.

Bashkë do ti fitojmë zgjedhjet, do ta ngremë ekonominë dhe do të sigurojmë ndihmë për çdo familje.