Lëvizje të reja në Presidencë

Pas njoftimit për largim nga LSI të Edmond Panaritit, asgjë nuk lëvizi nga ndërmarrja e Ilir Metës por lëvizjet e reja pasuan në institucionin e Presidencës. Kështu Zyra e Presidentit të Republikës bëri me dije se Ilir Meta ka pranuar dorëheqjen e Bahri Shaqirit nga detyra e Këshilltarit për Çështjet e Sigurisë Kombëtare duke emëruar në këtë post, Spiro Koçin.

Duke filluar prej sot, Këshilltar Diplomatik I Presidentit do të jetë, Arben Cicin, i cili ka mbajtur detyrën e Drejtorit të Kabinetit, ndërsa vendin e tij, do ta marrë Edmond Panariti.

Njoftimi:

Presidenti i Republikës, Sh.T.Z Ilir Meta ka pranuar sot dorëheqjen e z.Bahri Shaqiri nga detyra e Këshilltarit për Çështjet e Sigurisë Kombëtare, për shkak të angazhimeve të tij në të ardhmen, që nuk përputhen me këtë detyrë tepër të rëndësishme.

Presidenti Meta, ka emëruar Këshilltar për Çështjet e Sigurisë Kombëtare, z.Spiro Koçi, i cili deri sot ka ushtruar detyrën e Këshilltarit Diplomatik të Kreut të Shtetit.

Presidenti Meta ka emëruar Këshilltar Diplomatik, z.Arben Cici, i cili ka mbajtur detyrën e Drejtorit të Kabinetit.