Trafiku i drogës Shqipëri-Kroaci, kapen 70 kg marijuanë

Policia e Podgoricës ka konfiskuar rreth 70 kg marijuanë ndërsa E.N. nga Ulqini është arrestuar në vendin e quajtur Dajbabe, në aksin Tivar-Podgoricë.

“Pjesëtarët e sektorit kundër krimit të organizuar dhe korrupsionit kanë ndaluar makinën e tipit Škoda Octavia me targa të Podgoricës, e cila po lëvizte nga Tivari në drejtim të Podgoricës. Makina drejtohej nga E.N. 22 vjeç nga Ulqini. Me rastin e kontrollit të makinës, në bagazh iu gjetën 13 qese plasmasi me substancë narkotike të llojit marijuanë, me peshë rreth 70 kilogramë,” thuhet në komunikatën e Drejtorisë Policisë Malit Zi duke përfunduar:

“Aksioni policor është zbatuar me qëllim të ndërperjes së trafikut ndërkombëtarë të drogës nga Shqipëria, përmes Malit të Zi në Kroaci, dhe më tutje në shtetet e Perëndimit.”

Ndërkohë Prokurori në Podgoricë ka lëshuar urdhër arrestin për E.N 22 vjeç nga Ulqini, për veprën penale të  prodhimit të paautorizuar, mbajtjes dhe tregtimit të substancave narkotike.