Vrasja e 25-vjeçarit, revoltohen protestuesit, Sandër Lleshaj nuk jep dorëheqje por dërgon Forcat Speciale

Shumë të rinjë që iu përgjigjën thirrjes së shoqërisë civile për të protestuar para Ministrisë së Brendshme dhe për të kërkuar dorëheqjen e ministrit Sandër Lleshaj pas vrasjes së 25-vjeçarit, Klodian Rasha nga një polic, pasi kishte thyer orën policore dhe nuk iu bind urdhrit për të ndaluar, vazhduan protestën para Kryeministrisë.

“Drejtësi për Klodianin”, “Unë jam Klodiani”, si dhe thirrje që ministri Lleshaj të dorëhiqet: “Jepe dorëheqjen”, “Poshtë komunizmi” ishin thirrjet e protestuesve edhe para Kryeministrisë

Të irrituar nga sjellja e policëve edhe në protestë para Kryeministrisë, protestuesit i kanë vënë flakën pemës së Krishtlindjes, e cila ishte vendosur para derës hyrëse të godinës qeveritare.

“Poshtë diktatura”, “Hiqini kapelet” ishin thirrjet e protestuesve drejtuar policëve por ministri Sandër Lleshajj dërgoi Forcat Speciale kur dhe u shkaktua një kaos:

Forcat Speciale dhe policia zmbrapsën me spraj dhe gaz lotsjellës protestuesit para Kryeministrisë ndërkohë, situata vijon të jetë e tensionuar. Protestuesit janë të vendosur se do të sfidojnë edhe orën policore pas orës 22:00 dhe janë në pritje të dorëheqjes së ministrit të Brendshëm, Sandër Lleshaj.

Në fund Ish-Gjeneral Sandër Lleshaj bëri atë din të bëjë më së miri, hodhi gaz lotsjellës për të shpërndarë protestuesit. Ata u rikthyen për tu rigrupuar sërish.