30 vjet për demokracinë, Basha: PD, gjithmonë zëri i shqiptarëve!

Sot në 30 vjetorin e themelimit, Kryetari i PD, Lulzim Basha duke rendit arritjet e kësaj partie gjatë rrugëtimit politik, siguroi se Partia Demokratike do të jetë gjithmonë zëri i shqiptarëve.

“Ne kemi arritur kaq shumë. Ne sollëm demokracinë, ne hapëm vende pune, ne zhvilluam ekonominë, ne ngritëm infrastrukturën anembanë vendit, ne futëm Shqipërinë në NATO, ne bëmë të mundur lëvizjen pa viza,” tha Lulzim Basha në mesazhin e tij duke shtuar se PD është zëri i njerëzve që nga dita kur rrëzoi diktaturën komuniste, që nga ditët në shesh është në shërbimin tuaj ndërsa përfundon:

“30 vjet për ju, 30 vjet për demokracinë, 30 vjet për Partinë Demokratike, gjithmonë zëri i shqiptarëve.”

Mesazhi:

30 vjet më parë ne u ngritëm nga hiri i një vendi të dërrmuar. Bëmë gjithçka nën shembullin e heronjve, zërat e të cilëve kërkuan ndryshimin që ne sollëm.

Ne kemi arritur kaq shumë. Ne sollëm demokracinë, ne hapëm vende pune, ne zhvilluam ekonominë, ne ngritëm infrastrukturën anembanë vendit, ne futëm Shqipërinë në NATO, ne bëmë të mundur lëvizjen pa viza.

Ne jemi zëri i njerëzve që nga dita kur rrëzuam diktaturën komuniste, që nga ditët në shesh ne jemi në shërbimin tuaj.

30 vjet për ju, 30 vjet për demokracinë, 30 vjet për Partinë Demokratike, gjithmonë zëri i shqiptarëve.