Dita e gjashtë e protestës, me vullnetin e policisë nuk kishte incidente

Përkundër paralajmërimit të policisë për moslejmimin e asnjë lloj tubimi mbi 10 persona, protestuesit edhe në ditën e gjashtë ishin të vendosur të protestojnë kundë vrasjes së 25-vjeçarit Klodian Rasha, dhe në mungesë të dhunës policore edhe protesta u finalizua pa dhunë dhe dëmtime.

Fillimi i protestës ishte një paralajmërim i zi, pasi policia ishte vendosur para Sheshit “Skënderbej” dhe po bënte verifikimin e të gjithë të rinjve që po lëviznin në drejtim të sheshit, ndërsa u tha se gjithçka po bëhej me qëllimi të zbatimit të masave Anticovid.

Numri dukshëm më i vogël i protestuesve në Sheshin “Skënderbej” filloi të plotësohej gjatë marshimit drejt Kryeministrisë ndërsa u vërejtë një pjesëmarrje e madhe e familjarëve dhe mungesa e grupmoshave shumë të reja, ndryshime këto që pësuan nga arrestimet policore.

Gjithësesi edhe në ditën e gjashtë ndonëse më pak në numër, protestuesit nuk ndryshuan itinerarin deri tek Drejtoria e Policisë dhe ishin të qartë me thirrjet e tyre “Rama ik”, “Poshtë diktatura” dhe “Lironi djemtë tanë”.

Përpara Kryeministrisë protesta filloi të marrë përmasa më të mëdha, aty ishte vendosur edhe një kordon policie por për fat nuk ndërhynë si mbrëmë për të ndryshuar natyrën e protestës paqësore.

Në mungesë të dhunës policore munguan edhe hedhjet e gurëve, dëmtimet e pronës publike dhe arsyet për shoqërim.

Në protestë nuk mungoi as mesazhi më i rëndësishëm për të gjithë ata që iu nënshtruan politikës së Edi Rama dhe munguan në protestë, ata të cilët nga momenti i parë e luftuan protestën me propagandë, dhe për të gjithë ata që janë dakord me vendimin e Kryeministrit për ta cilësuar vrasjen e 25-vjeçarit si aksident dhe për ta paguar me një pension të posaçëm për familjen.

Në fund, dita e gjashtë e protestës tregoi se vetëm me vullnetin e policisë, protestuesi shqiptar mund ta përfundoj një protestë e cila në fillimet e saj deklarohet si paqësore.