Bledi Çuçi, Ministër i Brendshëm

Saimir Tahiri i ri i Edi Ramës do të jetë, Bledi Çuçi. Ai do të drejtojë Ministrinë e Brendshme, pas dorëheqjes së Sandër Lleshajt me vrasjen e 25-vjeçarit Klodian Rasha nga policia.

Lajmi është bërë i ditur nga Kryeministri Edi Rama përmes një postimi në rrjetin social “Twitter” i cili saktësoi se sot do t’i dërgojë Presidentit për dekretim emrin e Bledi Çuçit si ministër i Brendshëm.

“Sot do të dërgoj për dekretim nga Presidenti, Bledi Çuçin si ministër të brendshëm dhe Milva Ikonomin si ministre bujqësie; dy bashkëpunëtorë të përkushtuar në çdo detyrë që kanë kryer këto vite, me integritet, profesionalizëm dhe kulturë qytetare e politike të padyshimtë,” thekson Edi Rama.

Ky emër, pritet të dekretohet pa problem nga Presidenti i Republikës, Ilir Meta, për dallim nga Sandër Lleshaj që kishte problem me gjithçka, edhe me veten e vet, të cilin e zhgradoi nga “gjenerali” vetëm për tu bërë ministër.

Ndryshe, Bledi Çuçi vjen në krye të Ministrisë së Brendshme pas dy ministrave, Saimir Tahiri dhe Fatmir Xhafaj, si bashkëpunëtor të trafikanktëve të drogës, dhe Sandër Lleshajt, bashkëpunëtor me gazin lotsjellës serb për të helmuar rivalët politik të Edi Ramës