Vdekja e 20 vjeçares në Itali, policia merr në pyetje 63 vjeçarin/ Ja dyshimet

Policia italiane ka marrë në pyetje një 63 vjeçar si personin e fundit që është takuar me Anxhela Meçanin, 20 vjeçaren shqiptare, e cila humbi jetën në Itali, pak ditë më parë.

20 vjeçarja u gjet në gjendje të rëndë shëndetësore në Torino, ndërsa sipas mediave italiane ajo është hedhur ose vetëhedhur nga një makinë në ecje e sipër, veprim që i shkaktoi plagë të shumta dhe më pas humbjen e jetës.

Mediat italiane shkruajnë se policia ka ndaluar një 63 vjeçar nga Kuneo, që është edhe personi i fundit që është parë në shoqërinë e 20 vjeçares shqiptare.

Policia, sipas mediave italiane, ka sekuestruar automjetin tip Mercedez të 63 vjeçarit, ndërsa hetimet janë përqëndruar në pistën e vrasjes.

Mediat italiane shkruajnë se 20 vjeçarja shqiptare dhe 63 vjeçari, janë parë së bashku në një park, më pas mendohet se ato kanë hipur në automjet.

Pas marrjes në pyetje 63 vjeccari është lënë i lirë nga policia, pasi nuk janë gjetur prova që ta lidhin me vrasjen, por makina e tij do t’i nënshtrohet ekspertizës.

Ngjarja vijon të mbetet e mbuluar me mister, dhe ende nuk ka një konkluzion nëse viktima është hedhur nga makina apo është vetëhedhur.