Të dhënat e Eurostat, Basha: Shkatërroi ekonominë, të rinjtë ikën. Koha të largojmë Edi Ramën!

Pas publikimit të dhënave nga Eurostat ku Shqipëria renditet e para në botë për lejet e qëndrimit në raport me popullsinë dhe e gjashta në botë sa i përket lejeve të qëndrimit që shtetasit e saj kanë në shtetet e Bashkimit Europian, ka reaguar Kryetari i Partisë Demokratike, Lulzim Basha, duke theksuar se për 8 vjet me dështimet e tij, Edi Rama e shkatërroi ekonominë dhe i detyroi të rinjtë tanë të ikin, sot ka ardhur koha të largojmë Ramën dhe të sjellim shpresë dhe zhvillim për vendin tonë.

“Për 8 vjet me dështimet e tij, Rama e shkatërroi ekonominë dhe i detyroi të rinjtë tanë të ikin. Për shkak të dështimeve të Ramës, situata ekonomike është sot më e keqja në rajon,” thekson Lulzim Basha në reagimin e tij përmes rrjetit social Facebook duke shtuar se ne shqiptarët jemi të suksesshëm kudo në botë, dhe nuk ka asnjë arsye pse të mos kemi sukses këtu në vendin tonë, ndërsa përfundon:

“Ka ardhur koha për ndryshim. Ka ardhur koha të largojmë Ramën dhe të sjellim shpresë dhe zhvillim për vendin tonë!”