Një vrasës nga Mali i Zi, arrestohet në Tiranë

Arsenije Stanoviç nga Tivti, i dyshuar se ka vrarë shtetasen ukrainase, Anastazija Lashmanova, është arrestuar në Tiranë.

Sipas Drejtorisë së Policisë së Malit Zi, thekson televizioni publik RTCG, policia malazeze para ca ditësh kishte marrë të dhëna operative mbi lëvizjen e Stanoviçit. Me rastin e arrestimit ai ishte i shoqëruar me të atin, Zoran Stanoviç,ish-shef i policisë kufitare në Aeroportin Tivat.

Sipas RTCG, avokati i Arsenije Stanoviçit, Zoran Piperoviç, ende nuk është në dijeni për këtë arrestim. Ndërkohë pritet që Arsenije Stanoviç ti dorëzohet autoriteteve malazeze.

Ndryshe, policia malazeze është në kërkim të Arsenije Stanoviçit që nga data 13 maj, kur është gjetur trupi i pajetë i Lashmanovës në apartamentin i cili ndodjhet në lagjen e Kotorit, Dobrota. Menjëherë policia arriti të siguroj dëshmi se Arsenije Stanoviç kishte vrarë ish të dashurën Lashmanova.

Anastazija Lashmanova ishte Drejtore ekzekutive e kompanive me vlera prej miliona eurove.