VIDEO/ Protesta anti-Rama në Dibër, Berisha: Kryeministri u mbyll në vrimën e miut

Ish-kryeministri Sali Berisha ka reaguar në lidhje me dhunën e policisë ndaj qytetarëve që protestonin në Peshkopi kundër Kryeministrit Edi Rama.

“Dibra i thyen turinjtë Edvinit, e mbyll në vrimën ku ishte futur me rrogtarët dhe puthadorët e tij! – ka deklaruar Berisha me forcë në rrjetet sociale, teksa ka publikuar videon e protestës.

Narkopolicia, për të mbrojtur Noriegën dhe qeveritarët e lidhur me krimin dhe drogën, në një akt të paligjshëm dhunon deputetin e PD, Gjunkshi dhe qytetaret!” shprehet ai duke dënuar aktin.

Sipas PD, Policia e Shtetit dhunoi deputetin Xhemal Gjunkshi.

“ Ai po protestonte bashkë me qytetarë kundër kryeministrit Edi Rama, por është tërhequr me dhunë nga Policia duke u penguar të protestojë. PD u shpreh se deputeti Gjunkshi kishte shenja të dhunës në trup nga tërheqja e policëve”, thuhet në reagimin e PD.