Tri raste me variantin e ri të COVID-19 në Kosovë

Ministri në detyrë i Shëndetësisë i Kosovës, Armend Zemaj, ka konfirmuar se tri nga 30 rastet e dërguara në Berlin për variantin e ri të COVID-19, kanë rezultuar pozitive

“Situata është e qetë bazuar me numrin e rasteve,” tha Zemaj ndërsa dha një lajm të mirë për Podujevën, Mitrovicën dhe Gjilanin, duke theksuar se dalin nga zona e kuqe ndërsa në zonën e kuqe mbesin: Prishtina dhe Fushë- Kosova.

“Jemi kompletuar  me aparatura për variantin e ri të cilat tash jemi në prova dhe bashkë me përfaqësuesit e laboratorit gjerman do t’i funksionalizojmë, pasi janë shumë të ndjeshme. Varianti i ri i Covid-19, momentalisht është në kontroll. Ne jemi në kontakt të vazhdueshëm dhe s’ka asnjë vonesë në testimin e këtyre rasteve,” tha Drejtori i IKSHPK-së, Naser Ramadani, duke siguruar se do të jenë transparent sa i përket këtij varianti.