VIDEO/ O kryemashtrues shporru nga Qeveria, ja si u prit Rama në Klos…

“O kryemashtrues, shporru nga Klosi dhe qeveria”. Kjo ishte parulla e mbajtur nga qytetarët që protestuan kundër Edi Ramës, gjatë vizitës që ai ka nisur këtë fundjavë në Dibër.

Në videot e publikuara nga qytetarët shihet sesi ata komunikojnë paqesisht me policët, e dërguar aty për të vënë rendin dhe qetësinë.

“Patjetër, ne ju respektojmë” dëgjohet në video t’u thuhet policëve.

“Jo jo, mos rrini para nesh” – dëgjohet zëri i një tjetër protestuesi. “E ka bërë Sali Berisha, asfaltin, jo ai” duke nënkuptuar Ramën.

“Ju lutem, – dilni andej”, dëgjohet zëri i një polici.

“Jo me gjujt, nuk kemi ardhur me gjujt”, shprehet qytetari që filmon skenën, për të zbutur qëndrimin e një protestuesi tjetër. “Respekt të plotë për Policinë e Shtetit. Ju detyrën tuaj, ne tonën.”

Ndërsa eskorta e Kryeministrit duket se po i afrohet rrugës, qytetarja në video shprehet:

“Vjen Basha me një makinë, o vëlla, nuk ka nevojë për këto. Ishte Sali Berisha kryeministër dhe nuk vinte me eskorta, me helikoptera…Pse vjen me helikopter ky?! A i dhemb shpina?!

Përgjigje plot humor vijnë nga protestuesit:

“Jo po e vrasin…

“Kalon rrugët e këqia, se nuk kalohen”

“Bëhet me veshka ai”…

Qytetarja shfaqet sërish duke komunikuar me humor me policët: “A, kështu e keni ruajtur dhe drogën?!

Në video shihet sesi policët komunikojnë paqesisht dhe nuk mungon edhe humori. Por vajza me thumb e ka vazhduar bisedën me ta, pavarësish se ka marrë si përgjigje vetëm mimikat e tyre.

Në fund të videos, e njëjta i drejton pyetjen efektivëvë në detyrë që janë pozicinuar për të mbrojtur Ramën nga protestuesit, pyetjen që duket se i ve kapakun bisedës: “Po hë, a ju pëlqën të keni një Ministër si Fatmir Xhafaj?!”