Komiteti i Ekspertëve: Është rritur numri i viktimave. Incidenca javore 209!

Komiteti Teknik i Ekspertëve pasi vlerësoi ecurinë e pandemisë ngriti shqetësimin e rritjes së numrit të infektimeve si dhe vdekjeve nga COVID-19.

Sipas ekspertëve të këtij Komiteti, rritja e numrit të infektimeve ka ardhur si rezultat i mosrespektimit siç duhet të masave, duke i vënë fajin neglizhencës të treguar gjatë periudhës së festave të fund vitit të 2020-ës e javëve të para të këtij viti.

“Nga diskutimet e bëra nga ekspertë, mendohet se kjo rritje ka lidhje me moszbatimin e duhur të masave gjatë festave të fundvit dhe ditëve të para të janarit. Nuk janë respektuar masat siç duhet e maskave, distancimit fizik. Me rritjen e këtyre indikatorëve po vlerësohet shfaqja e mutacionit të ri. Deri më tani situata vijon të jetë e kontrolluar dhe për këtë arsye është vendosur që universitetet po punojmë së bashku me Ministrinë e Arsimit për të vlerësuar diçka konkrete për këtë realizim dhe do të kemi maksimumi një vendim brenda kësaj jave,” tha Zv/Ministrja e Shëndetësisë, Mira Rakacolli duke bërë të ditur se gjithashtu do të mbetet në fuqi pezullimi i fluturimeve me Britaninë e Madhe deri në një moment të dytë ndërsa përfundoi:

“Jemi në një moment delikat që lidhet me shirat, kemi mundësinë e ndryshimit të virusit siç dihet ka një shtim të infektueshmërisë së tij. Qytetaret duhet të zbatojnë me rigozitet mbajtjen e maskave respektimin deri në detaj të distancomit social dhe fizik, sepse ajo të mbron nga të gjitha maskat.”

Drejtoresha e Institutit Shëndetit Publik, Silva Bino, tha sot se është rritur numri i të vdekurve nga COVID-19 madje foli për një indicencë javore e cila ka shkuar 209.

“Këtë javë ka pasur rritje të rasteve të rasteve. Incidenca javore është rritur në 209 raste për 100 mijë banorë. Duket rritje drastike, rritje e rëndësishme, sepse ka qenë poshtë 200.

Vëmë re rritje të incidencës 2-javore. Kjo kombinohet edhe me rritje të shtrimit në spitale e kemi edhe rritje të numrit të vdekjeve.Rritja më e madhe është në Tiranë, por rritje ka edhe në Durrës, në Fier. Rritja më e madhe është në Sarandë. Vihet re rritje graduale në të gjitha bashkitë e vendit.”

Ndërsa Drejtori i i Urgjencës Kombëtare, Skënder Brataj, tha se vihet re një rritje e thirrjeve dhe se vetëm nga 1 janari janë kryer 2580 vizita për COVID-19, nga këto 1240 persona kanë përfunduar në spital. 

“Edhe qendra kombëtare e urgjencës mjekësore vazhdon monitorimin e situatës. Janë rreth 742 mijë thirrje që nga fillimi i pandemisë, të përkthyera në 125 mijë vizita, nga të cilat 37 mijë janë vetëm për COVID-19. 18397 vizita në banesa, 47% janë shtruar në spital, 53 % janë trajtuar në banesë. Në 24 orët e fundit vëmë re një rritje edhe pavarësisht numrit të thirrjeve që janë gjithmonë tek 1800-2000, vizitat në banesë janë shtuar. Për 24 orët e fundit janë 443, 156 vetëm për COVID-19, nga të cilat 67 kanë përfunduar në spital dhe 89 janë trajtuar në banesë. Ajo që na shqetëson është fakti i muajit janar. Nga 1 janari janë 11691 vizita të kryera në banesë, nga të cilat 2580 janë vetëm për COVID-19 dhe në spital kanë përfunduar 1240 persona. Ndërsa 1340 janë trajtuar në vendngjarje. Me një shtrim rreth 280 drejt QSUT-së dhe 184 tek “Shefqet Ndroqi”, plus ato rajonale që janë 776.
Më shqetësues është fakti i ditëve të fundit. Në 3 ditët e fundit, nëse ishim 30-40 raste në ditë jemi 67-70 tani që dëshmon më së miri mos respektimin e masave,” tha Dr. Brataj duke përfunduar:

“Një gjë e re që bashkitë e vogla po dalin me një incidencë më të madhe tregon që nëse kanë qenë të virgjëra tregon që sot me lëvizjen e njerëzve kemi shtimin e numrit. Nga e gjithë kjo situatë 50% e tyre janë në Tiranë”