“Shqipëria fiton”, Basha: Angazhimi i parë, 110.000 vende të reja pune!

Kryetari i Partisë Demokratike, Lulzim Basha, ka ritheksuar angazhimin e parë të Programit Ekonomik të PD, për të paktën 110 mijë vende të reja pune për shqiptarët.

“Angazhimi i parë i programit tonë është minimumi 110,000 vende të reja pune për shqiptarët,” thekson Lulzim Basha në mesazhin e tij përmes rrjetit social Facebook duke shtuar se krijimi i vendeve të punës është jetik për stabilitetin ekonomik dhe çelësi për njerëzit që të investojnë në veten e tyre dhe fëmijët e tyre ndërsa përfundon:

“Ka ardhur koha ta largojmë këtë qeveri dhe të sjellim një qeveri të re, që kujdeset për njerëzit e jo për veten e saj. Shqiperia Fiton!”