Vaksinimi/ Merr dozën e dytë, Edi Rama: Jemi i vetmi vend së bashku me Serbinë…

Edhe në vaksinimin me dozën e dytë, Kryeministri Edi Rama dhe Drejtorja e Spitalit Infektiv, Najada Çomo, ishin të parët që morën vaksinën kundër COVID-19. Ndonëse mori vetëm 1000 doza, lypsi më i mirë në botë tha se jemi i vetmi vend në rajon, së bashku me Serbinë, që ka hyrë në zbatimin e kontratës me Pfizer dhe ka filluar vaksinimin për mjekët dhe infermierët.

“Imunizimi ka nevojë për të gjithë ciklin dhe ajo që është më e rëndësishme është që kemi hyrë në zbatimin e kontratës me Pfizer. Dje kanë ardhur dozat që kanë hapur rrugën. Natyrisht që nëse i shohim numrat ngushtë, nëse nuk e shohim të gjithë panoramën dhe të gjithë planin, atëherë që patjetër duken shumë pak, por në fakt e para mos harrojmë që në rajon jemi i vetmi vend së bashku me Serbinë që ka hyrë në zbatimin e kontratës dhe ka filluar vaksinimin për mjekët dhe infermierët,” tha Edi Rama pa sqaruar se si mund të jemi i vetmi vend në rajon dhe së bashku me Serbinë apo kemi të bëjmë me projeksion komunist që bëhet njësh me shtetin serb ndërsa vazhdoi:

“Së dyti, mos harrojmë që situata e furnizimit me vaksina në gjithë Europën është tejet kaotike. Vendet e mëdha kanë filluar kërcënimet për ndjekjen në rrugën gjyqësore për kompanitë. Oferta është shumë e ulët për shkak të numrit të prodhimit”, tha Rama duke shtuar se në shkurt do të vijnë 40 mijë dozat e tjera.

“Së treti po dje në darkë vonë kemi marrë konfirmimin nga Pfizer që në mesin e shkurtit mbërrijnë 10.000 mijë dozat e parashikuara dhe brenda shkurtit do vijnë 30.000 dozat e tjera,” tha Kryeministri Edi Rama.