Nga Dogana e Durrësit, Kim: SHBA-Shqipëri 3 prioritete: Demokracia, biznesi dhe mbrojtja!

Prioritete në marrëdhëniet mes SHBA dhe Shqipërisë do te jenë demokracia, biznesi dhe mbrojtja, tha Ambasadorja e SHBA, në Tiranë, Yuri Kim, pas takimit me Drejtorin e Përgjithshëm të Doganave, Genti Gazheli, në Doganën e Durrësit ku u informua për lehtësimin e biznesit të ligjshëm, kontrollin e lëvizjes së mallrave dhe sigurimin e përgjegjësisë që ka ky institucion.

Ambasadorja amerikane tha se Reforma në Drejtësi është shumë e rëndësishme edhe për biznesin ndërsa vlerësoi rritjen e potencialit të investimeve nga SHBA në Shqipëri.

“Sikurse jeni në dijeni, unë flas për marrëdhëniet mes SHBA dhe Shqipërisë, dhe kur flas për këtë, ndalem tek 3 prioritete; demokracia, biznesi, dhe mbrojtja. Erdha sot në portin e Durrësit, pasi këtu zhvillohen të tre sistemimet. Demokracia përsa i përket luftës së korrupsionit dhe krimit të organizuar. Kam pasur mundësi që të flas me drejtorin e Autoritetit Portual dhe atë të Doganave dhe kemi rënë dakord që janë disa hapa që të merren ku të mbyllen disa pika të zonave të verdha. Pres me kënaqësi që të rikthehem për të parë se ku është bërë progres dhe ku mund të ofrojmë mbështetje. Sa i përket demokracisë për çështjet e mbrojtjes, kjo është në zhvillim të vizitës së gjeneralit Xherard javën e kaluar. Në 21 do të jetë një nga stërvitjet ushtarake që do të zhvillohet në Ballkan,” tha ambasadorja Yuri Kim duke përfunduar:

“Presim që shumë prej këtyre arkitekteve të zhvillohen në portin e Durrësit. Sikurse ju jeni në dijeni, sa i përket çështjeve të biznesit, SHBA kanë mbështetur ndërtimin e hidrocentralit të Skavicës, e shoh potencial të madh sa i përket investimeve të mëdha nga SHBA. Sikurse e kam theksuar dhe më herët, kjo ka të bëjë me forcimin e shtetit ligjor dhe rritjen e transparencës.”

Ndërkohë Dogana Shqiptare deklaron se mbetet e angazhuar në respektimin e të gjitha standardeve ndërkombëtare në shërbim të qytetarëve dhe bizneseve.