LDK-në e çoj 13%, Isa Mustafa: Avdullah Hoti bëri një punë të shkëlqyer!

Deri sa po komentohej akti i radhës së Kryetarit të Lidhjes Demokratike të Kosovës, Isa Mustafa, në mes të marrjes së përgjegjësive dhe dorëheqjes pas humbjes katastrofike në zgjedhjet parlamentare në Kosovë duke e reduktuar partinë në vetëm 13%, ai më në fund doli dhe e mburri kandidatin për Kryeministër të LDK-së, Avdullah Hoti, që sipas tij ka bërë një punë të shkëlqyer.

“Në ditët në vijim, do të bëjmë një analizë të thellë të zgjedhjeve. Z. Hoti ka bërë një punë të shkëlqyeshme si Kryeministër por edhe gjatë fushatës,” tha Kyetari i LDK-së, Isa Mustafa në reagimine tij përmes rrjetit social Facebook duke përfunduar:

“Çfardo të jetë, LDK e respekton rezultatin e zgjedhjeve. Ne do të bëjmë ndryshimet e nevojshme dhe LDK do të punojë shumë që të rikthehet dhe ta sendërtojë vizionin e saj rugovian për vendin.”