Kosovë, fitore e thellë e LVV-Vjosa Osmani

Fitues i zgjedhjeve të parakoshme parlamentare të 14 Shkurtit është LVV-Vjosa Osmani ndërkohë humbësi më i madh rezulton të jetë Lidhja Demokratike e Kosovës me në krye Isa Mustafën.

Kështu pas numërimit të 99.25 për qind të votave ndërsa pritet numërimi i votave të Diasporës dhe atyre me kusht, Lëvizja Vetëvendosje e Albin Kurtit kryeson me 47.89 për qind, pasuar nga Partia Demokratike e Kosovës me 17.36 për qind, Lidhja Demokratike e Kosovës 13.08 për qind, Aleanca për Ardhmërinë e Kosovës 7.40 për qind, Lista Serbe 5.27 për qind, Nisma Socialdemokrate 2.59 për qind, qytetarëve.

Me thellimin e rezultatit kur gjithçka ishte e qartë edhe pas numërimit të 80 për qind të votave, kur të gjitha partitë pranuan humbjen, qytetarëve të Kosovës u drejtuan edhe fituesit e këtyre zgjedhjeve, Albin Kurti dhe Vjosa Osmani:

Ndryshe, me mbylljen e vendvotimeve, kryetarja e Komisionit Qendror Zgjedhor, KQZ, Valdete Daka, bëri të ditur se pjesëmarrja në zgjedhje ishte 46.9 për qind:

“Nga 98.3% numri i qytetarëve që kanë votuar është 46.90%, mbi 820 mijë votues.Në zgjedhjet e vitit 2019 kishin votuar 44.18% apo 812 mijë e 49 votues. Të dhënat e detajuara të pjesëmarrjes në zgjedhje janë në linkun e KQZ-së,” tha Valdete Daka duke falënderuar qytetarët që dhanë shembull të një kulture të lartë demokratike, si dhe subjektet politike që treguan kujdes për procesin zgjedhor.

Kështu edhe pa numërimin e votave të Diasporës, Lëvizja Vetëvendosje rezulton se ka dyfishuar votat në krahasim me zgjedhjet e kaluara të vitit 2019 ndërsa LDK nga ana tjetër si humbësi më i madh nuk ka arritur të marr as gjysmën e votave që mori në zgjedhjet e kaluara parlamentare.