U qëllua me silenciator në qendër të Tiranës, ja kush është 65-vjeçari nga Berati

Pas atentatit pranë Piramidës në sy të shumë kalimtarëve të rastit, ku mbeti i vrarë 65-vjeçari nga Berati, Behar Seferi alias Behar Sulo Sofia, kanë shumë detaje jo vetëm identitetit të viktimës.

65-vjeçari fillimisht kishte pirë kafe në Qendrën Tregtare në afërsi të rrugës së Elbasanit dhe më pas ka dalë në rrugën kryesore. Sapo ka dalë atje, është qëlluar me dy plumba nga një armë me selinciator. Mësohet se janë sekuestruar kamerat e sigurisë të lokalit nga policia. 65-vjeçari rezultonte i dënuar jashtë vendit për trafikim të lëndëve narkotike. Ndërkohë, raporton BW, kishte disa biznese pranë stadiumit Dinamo, si bar-kafe dhe aktivitete të tjera, të cilat në disa raste janë sulmuar me tritol, si dhe ishte pronarë i disa marketeve dhe kopshteve.

Para disa vitesh, raportohet se ishte kapter dhe prej disa kohësh kishte jetuar në Turqi. Sot, ka dyshime se ai mund të jetë nxjerrë në pritë, pasi lëvizte në këmbë, në trotuarin në krah të lumit të Lanës, kur, sipas BW, është qëlluar me një armë sileniciatore.

Ndonëse u transportua në spital, Behar Seferi nuk mundi t’i mbijetonte plagëve. Aktualisht policia po heton në lidhje me zbardhjen e ngjarjes si dhe identifikimin dhe kapjen e autorëve.