Apel të rinjve shqiptarë, Rüttershoff: Dilni votoni, bëni Shqipërinë më të mirë!

Në takimin që Kryetari i PD, Lulzim Basha, zhvilloi me studentët dhe përfaqësuesit e European Democrat Students, Drejtori i Fondacionit Konrad Adenauer për Shqipërinë, Dr. Tobias Rüttershoff, u bëri apel të rinjve shqiptarë të dalin dhe të votojnë, të përdorin votën e tyre për ta bërë Shqipërinë një vend më të mirë.

“Ju drejtohem juve, miqve tanë këtu në Shqipëri, miqve tanë të rinj. Një pjesë e mirë prej të cilëve, mbase janë dhe votues për herë të parë. Besoj se gjëja më e rëndësishme është që ju të dilni dhe të votoni, të përdorni votën tuaj për ta bërë Shqipërinë një vend më të mirë, për t’u angazhuar në këtë proces. Ky është thelbi i kësaj fushate të cilën ne po mbështesim,” tha Dr.Tobias Rüttershoff duke përfunduar:

“Nëse nuk e përdorni votën tuaj, dikush tjetër do ta bëjë, dhe vota juaj do të shkojë dëm. Ndaj dhe ju inkurajoj që të votoni, të motivoni njerëzit e tjerë që të dalin për të votuar. Kështu shpresoj se mund t’i afrohemi standardeve ndërkombëtare.”

Ndryshe, në takimin që Kryetari i PD, Lulzim Basha, zhvilloi me studentët dhe përfaqësuesit e European Democrat Students, të pranishëm ishin Presidenti i EDS, Carlo Angrisano, dhe Drejtori i Fondacionit Konrad Adenauer për Shqipërinë, Dr. Tobias Rüttershoff.