25 Prilli/ Lajë, thajë, Edi Rama ndryshimin do ta bëjë me Dr.Najadën dhe Ing.Bozon

“Patriotizmi është streha e fundit e maskarenjve!” E ka thënë Samuel Johnson por Kryeministri Edi Rama po e zbaton në vepër pas 8 vjet keqqeverisje dhe pasi shiti gjithçka në këtë tokë, në zgjedhjet e 25 Prillit futet në garë me sloganin “Shqipëria e ardhmja jonë! S’ka kohë për pushim”.

Dhe, këtë të ardhme, Edi Rama do ta ndërtoj me largimin e të gjithë atyre që heshtën ndërsa vetë shkatërroi Shqipërinë duke sjellë dy figurat qendrore me të cilat manipuloi opinionin në dy krizat që kaloi vendi: tërmetin me Ing.Luljeta Bozo dhe pandeminë me shefen e infektivit Dr.Najada Çomo.

Sot ndërsa kanë ngelur edhe pak orë deri tek dorëzimi i listave të kandidatëve për deputetë, Kryetari i PS, Edi Rama zyrtarizoi listën para Kryesisë duke filluar nga kryesuesit e qarqeve pa ndonjë risi ndonëse pretendon ndryshimin. Lajë, thajë sërish i dalin Dr.Najada dhe Ing.Bozo edhe pse pretendon të fitojë më 25 prill, 78 mandate .

”Siç e dini ne sot do zyrtarizojmë në kryesinë e partisë, përmes një formati hibrid, formacionin e skuadrës kombëtare.

Dua të ndaj paraprakisht disa fjalë mbi procesin, dhe objektivat tona.
PS ka lindur nga vullneti i ndryshimit, shpirti i ndryshimit është në ADN të kësaj familje. Ndryshimi është pika e parë sipas meje e manualit të djretimit, që e kishte si pikë referimi Nano më parë. Jam përpjekur ta forcoj dhe gdhend, me bindjen se kjo fuqia e ndryshimit është një nga fuqitë që e bën PS të pamplakshem dhe të pakonkurrueshme.

Kësaj fuqie i dedikohet fakti që jemi në krye të konkurrencës politike, mbetemi alternativa më e pëlqyer shqiptare, pavarësisht se as jemi pa gabime, as më të mirët, por më të mirë se ne nuk ka. Askush më mirë se ne nuk di të vetëvendryshojë.

Për të ardhur deri këtu, për të seleksionuar lojtarët, kemi venodusr prej kohësh piketat e seleksionimit. Kemi integruar një mekanizëm të ri, përthithje të lojtarëve më të rinj. Platforma Deputeti që Duam. Ka pasur shprehje prekje interesi. Mbi 1 mijë e 500 të rinj. Prej të cilës ne kemi patur shumë lidhur me kapacitetin e mundshëm në dispozicion. Ky proces ka patur bosht drejtuesit politik të qarqeve, he është bauzar tek kapacitetet në dipsozicion. Jemi munduar ti shtojmë, për të patur një fushë zgjedhje me sa më shumë lojtarë të mundshëm.

Bazuar në një hulumtim të ëvmendshmë të publikut, që jemi munduar ti analizojmë natyrisht me kontaktet në terren, me interesimin e vazhdueshëm në grupe interesi, por dhe duke u mbështetur tek anketimet, qoftë brenda PS, qoftë në shkallë kombëtare, qarqe, që i kemi bërë në mënyrë të përmuajshme. Flas për anketimet. Natyrisht në gjithë formimin e kësaj skuadre, kemi pasur në vëmendje qasjen ndaj problemeve, ballafaqimin ndaj lojtarëve,” tha Edi Rama duke shtuar:

Padiskutim, juve ndoshta ju surprizën, por një pjesë e rëndësishme në këtë proces ka qenë pjesa e gjykimeve dhe paragjykimeve mediatike ndaj nesh dhe rrjeteve sociale. Vetë dinamika e zhvillimeve sociale e dinimike në kohë është shumë e rëndësishme, por në fund jo për nga rëndësia, udhërrëfyes për ne kanë qenë objektivat. Mbi bazën e këtyre që thashë për çdo qark.”

Në krye të listave të kandidatëve për deputetë pothuajse të gjitha i vuri femra, dhe një që ishte ndryshe, është Erion Braçe në krye të qarkut Fier.

“Është domethënës edhe portreti që shikoni këtu. Vend i parë në qarkun e Fierit, është vend i një socialisti të paepur, Erion Braçe. Është skuadër që nuk e tejkalon PS-në, por e tejkalon Partinë Socialiste. Është skuadër që ka gjithë palcën e PS-së, por ka frymëmarrje që shkon përtej organizmit dhe zgjeron mushkëritë e partisë sonë. Vendi i parë në Elbasan është Evis Kushi, ministre e re e Arsimit.

Kushi ka bërë më të mirën në parlament, për të përfaqësuar Elbasanin dhe Partinë Socialiste. Është suprizë shumë e mirë e eksperiencës sime. Mirela Kumbaro do jetë vendi i parë në Gjirokastër, ku kemi objektivin bazë për dy deputetë dhe i dyti do të jetë Bledi Çuçi. Lindita Nikolla është në Lezhë dhe Milva Ikonomi do jetë në krye të listës në Durrës.”

E meqë Najada Çomon dhe Luljeta Bozo i përdori në mënyrë makabre për ti shpall në fund kandidate për deputete të PS, Edi Rama as sot nuk i ndau dot duke i vënë të dyja në krye të listës së PS për Tiranën. Meqë gjatë gjithë kohës ishte në siklet ai edhe me këtë rast iu përgjigj akuzave duke thënë se nuk është mosha që sjell të renë gjithmonë, pasi sipas tij Luljeta Bozo është në mendje 20 vjeç.

”Këto nuk i ndaja dot, s’kemi mundësi të vemë dy njerëz në vend të parë, në vend të parë në TIranë Najada Çomo dhe Luljeta Bozo. Dy gra që kanë arritur të përçojnë komunitetit një përmasë të prekshme përkujdesje dhe dashurie dhe natyrisht dy profesioniste fantastike. Do jenë shumë të vyera për ne, përtej këtij fakti jam shumë krenar që PS në këto prurje të reja i jep mundësi pensionistëve të kenë deputeten e tyre. U jep mundësi gjyshërve të ndihen të përfaqësuar nga kategoria e tyre shoqërore, për herë të parë mos kenë vetëm të tjerë që flasin për ta, por një që i përfaqëson ata. Mesazh i bindjes sime se nuk është mosha që sjell të renë gjithmonë, ka të reja dhe të rinj që mund të jenë 274 vjeç në mendje, dhe ka të moshuar që janë 20 vjeçarë në mendje siç është Luljeta Bozo. I jam shumë mirënjohës për pranimin, që tregon pasionin për Shqipërinë. S’ka tjetër që një stërgjyshe të marrë rrugën e Kuvendit të Shqiëprisë.”

Por objektivi i Kryetarit të PS, Edi Rama, është shumë qesharak se ekipi me të cilin synon objektivin minimal për zgjedhjet e 25 prillit, rezultatin e 2017 me 74 mandate, bazë 78 mandate, kurse maksimalin 88 mandate.

Duke folur qark për qark në Tiranë synon të paktën 19-20 mandate, në Durrës 8-9, në Korçë 6-7,Berat 5-6, Vlorë 8-9, Elbasan 8-9, Fier 10-11.

‘’Objektivi ynë minimal është që rezultati që kemi arritur me numrin e deputetëve në parlament në 2017 të mos bjerë.

Në Shkodër është 4, maksimali 5. Në Kukës bazë dhe maksimal është 2. Në Lezhë baza 3, maksimali 4. Në Dibër baza 3.

Në Durrës bazë 8, maksimali 9. Në Tiranë baza 19, maksimali 20. Në Elbasan baza 8, maksimali 9. Në Fier bazë 10, maksimali 11. Në Berat 5, maksimali 6. Në Korçë 6, maksimali është 7. Në Vlorë 8, maksimali 9. Nëse e shohim përmbledhjen, duke pasur parasysh objektivin minimal që është ai i 2017, të kemi objektiv bazë 78 mandate, dhe objektivi maksimal 88 mandate. Nuk janë si ato numrat e filxhanëve, janë të bazuar në potenciale,” tha Edi Rama duke mos sqaruar potencialet në të cilat bazohet meqë shkëputjen nga baza e bëri dje dhe sot edhe me ca militant komunist që i kishin mbetur nëpër këmbë; Ndoshta ka menduar në potenicalet sizmologjike të Damian Gjiknurit!