Kandidatëve për deputetë të PS, Rama: Nuk jemi aq të mirë…

Me kandidatët e shpallur për deputetë, sot Kryetari i Partisë Socialiste e nisi “Sprintin drejt 25 Prillit” me 90-vjeçar i bindur se është gati dhe tani fillon ndeshja ndërsa ju përgjërua të mos harrojnë se vërtet janë më të mirët, por nuk janë aq të mirë sa të mos i puthin duart njerëzve, të mos iu kërkojnë ndjesë për sa nuk kanë mundur të bëjnë, ose në realitet për sa i kanë mashtruar për 8 vjet.

Dhe, meqë nuk kishte se çfarë të thoshte për kandidatët e që ka përzgjedhur vetë filloi të akuzoi kundërshtarët. Surrati i Ilir Metës e shqetësoi tej mase, kaloi në histeri me fyerje, përdori foto private, denigroi dhe zonjat e PD sepse e kishte të qartë që ato që i kishte përzgjedhur do të heshtin siç kanë heshtur ndaj torturave të Edi Ramës.

“Kemi një skuadër që vjen nga të gjitha rrugët e jetës dhe iu flet të gjitha kategorive, moshave, të gjitha zonave, i flet Shqipërisë në qytet, në fshat, i flet atyre që janë më mirë, atyre që ende nuk janë më mirë, i flet të moshuarve e fëmijëve.

E pra, besoj që jemi gati, por deri këtu thjesht jemi bërë gati, tani fillon ndeshja minutë për minutë, sekondë për sekondë. Në këtë ndeshje, ju lutem, ju përgjërohem, mos e harroni se ne vërtet jemi më të mirët, por nuk jemi aq të mirë sa të mos i puthim duart njerëzve, të mos iu kërkojmë ndjesë për sa nuk kemi mundur të bëjmë, sa të mos kemi të gjithë kurajon për t’iu thënë “Po, këtu kemi bërë gabim”. Ne duhet të shkojmë përpara njerëzve dhe duhet të shfrytëzojmë mundësinë e artë që të jep demokracia për t’u rrëfyer për gjithçka nuk ka shkuar mirë. Ne jemi të vetëdijshëm se nuk mjafton sa kemi bërë, nuk mjafton që ne jemi të plotësuar karshi tyre, ne jemi ende në borxh të madh me njerëzit, me ata që na kanë dhënë besimin për mandatin e dytë.

Mos flisni sikur njerëzve u keni çuar gjithçka ata presin, se ua keni bërë jetën lule, por flisni me vetëdije që çka është bërë nuk mjafton dhe për të bërë gjithçka duhet, duhet durim e kohë për të na dhënë mundësinë të realizojmë qëllimet që kemi. Vizioni ynë është i bukur, por është jashtëzakonisht i vështirë për t’u bërë. Ama o bëhet kjo, o politika nuk i duhet dreqit. E nëse ka një forcë që mund ta bëjë, ajo është PS. E nëse ka njerëz që mund ta bëjnë, janë në këtë skuadër. Edhe njëherë, forca, kurajo, vraponi, vraponi, vraponi. Vraponi ju që jeni mbi kufi, se ata që janë te kufiri janë më të njohur dhe do marrin më shumë vota. Ju tjerët rrezikoni të humbisni objektivin për të përfaqësuar njerëzit në parlament. Vraponi ju që jeni nën kufij, sepse ne kemi hapur listat. Për ata që janë nën kufij nuk është e lehtë, por vraponi me vetëdije se çdo votë është për skuadrën dhe nëse fiton skuadra ka fituar një Shqipëri e tërë.

Kjo është strategjia, në Tiranë 12 në sulm, 12 në mesfushë dhe 12 në mbrojtje. Këta të fundit duhet të ruajnë skuadrën nga golat e parregullt, sidomos nga ata të LSI, që është e stërvitur dhe gjithë shpresa i ka te golat e parregullt,” tha Edi Rama duke folur edhe për strategjinë që e kishte zbuluar sejmeni i tij, Baton Haxhiu:

“Objektivi bazë është 19, me të gjitha forcat 20. S’po shkoj tek të gjithë me radhë, por po kërkoj që të vraponi për të ardhmen. Për të parë se kush janë ata që i bien borive të vjetra, për të ndaluar autokolonat tona. Kurajo e sukses të gjithëve bashkë.”

Për ata që ishin përmalluar për shfaqjet e Surrelit gjatë karantinës sot u çmallën. Duke çuar duarë dhe këmbë, Edi Rama i kërkoi kandidatëve për deputetë të Partisë Socialiste të hidhen në sulm, të vrapojnë pa pushim dhe të pasojnë topin te njëri-tjetri, përballë opozitës. Ndoshta edhe duhet mbrojtur nga Iliri, por ky është ai të cilin Edi Rama e bëri President sapo nisi Reforma në Drejtësi dhe tash i bi etë fikët kur sheh dhe hijen e tij.

“Ndeshja jonë fitohet, deri në momentin kur votat hyjnë në kuti, ndaj të fokusohemi te detyra që kemi secili, te programi i punës sonë, derë më derë, rrjet social më rrjet social, dritare më dritare. Kijeni parasysh, është shumë e rëndësishme, është se problemi ynë më i madh janë kundërshtarët e çekuilibruar, që kanë bërë gjithçka për ta humbur ndeshjen, program pa lidhje, një ekip mos o Zot, si një parking makinash të vjetra anash autostradës, Luli si roje parkingu që fle gjumë, Monika që iu bie borive të çmontuara për të ndaluar autokolonën tonë drejt fitores,” tha Rama duke i inspiruar me fotot e Presidentit Ilir Meta dhe Ish-Presidentit Sali Berisha.

Por fotoja e Metës nuk ishte thjeshtë një foto, ai shkaktoi ankth nga e cila kaloi në histeri me të cilën ndërseu dhe kandidatët për deputetë:

“Vraponi pa pushim, pasojeni topin sa më shumë te njëri-tjetri, të gjithë në sulm, përballë atyre që kudo ku shfaqen kërkojnë një shesh për të bërë një përshesh. Të gjithë në sulm për ekonominë, shëndetësinë, arsimin, bujqësinë e Shqipërinë e së ardhmes. Në sulm për të ulur taksat, për të mos lejuar uljen e taksës mbi fitimin e biznesit të madh, në sulm për gjithçka. Në sulm për të mbrojtur mësuesit, infermierët, administratën nga rikthimi i shpatës dhe për të rritur më tej pagat, për të përmirësuar kushtet e punës së tyre. Në sulm për të rritur pagën minimale, që do ta cojmë patjetër 400 mijë lekë. Në sulm për të mbrojtur drejtësinë e re nga Iliri, Saliu, Monika e KÇK, që jep shpirt e nuk heq dorë. Në sulm për të mbrojtur qytetet e rilindura nga gropat, nga ridehja e qeverisë,” Kryetari i Partisë Socialiste e duke e pasur të qartë se shumë socialistëve kanë respekt për komunistin Ilir Meta në çast nxori Saliun.

Ky ushqim socialist mund të duket i bezdisshëm për njerëzit normal por ky ushqim i dedikohet atyre që ndjehen të keqardhur për 26 viktimat e Gërdecit sepse i urdhëron partia, por jo edhe për 28 viktimat e 9 Janarit 2004 në Vlorë kur u mbytën në Vlorë dhe fajin nuk e kishte Saliu!

Lulzim Basha për Edi Ramën është “dhëndër” ndërsa të gjithë ata që i kishte në koalicioni sot janë kalastrena, faqore e keca sepse thejshtë nuk duan të jenë me shkatërruesin e Shqipërisë.

“Në sulm për të mbrojtur vendin tonë nga rifillimi i avazeve të vjetra, që duan të rikthehen në qeveri, me të njëjtat fytyra por më të lodhura. Të atyre që duan të marrin vendin, edhe pse ecin në rrugë të paditur. Në sulm për të mbrojtur Shqipërinë nga rigremisja në pikën më të ulët të respektit të të huajve për ne dhe për ta çuar atdheun në një nivel tjetër. Ne jemi për t’i hapur deri në fund rrugën e re të Shqipërisë me 4 aeroporte, 3 porte turistike, për të ndryshuar faqen e atdheut turistik. Në sulm për ta njësuar me emrin Shqipëri dhe jo me fjalën ’emigracion’ të ardhmen. Pa harruar se duhet të fitojmë me armikun e padukshëm luftën dhe t’ua kthejmë buzëqeshjen qytetarëve. Duhet ta zhdukim deri në fund këtë armik. Të kthejmë të gjitha familjet e dëmtuara në shtëpi, një më një. Kush mund t’i fitojë betejat që i duhen Shqipërisë nëse jo ne?! Kush mund ta çoje këtë vend më tej përpara përveç nesh? Kush? Ku? Cili, cila? Shqiptarët që si ka lënë mendja, që si kanë lënë veshët peng tek fajdet tek Monika, apo pa gajde tek Saliu e Ilirit,” thotë Rama duke sulmuar sërish Agron Dukën ndonëse ishte ministër socialist:

“Sot kanë nxjerrë para një dhëndër, Lulin, dhe janë nisur për dasme, me kalastrenat e Gon Dukës, me faqoren e Dash Shehit me kapsollat e Meidut, me kecat e Tym Idrizit, me vetullat e Vangjel Dules, me kasetat e Salianit, preshin e Tritanit, peshqirin e Xhelalit simitet e Xhaferrit të Durrësit, fuçitë e rakisë së Leskos së Vlorës dhe gërnetën e Mesilës. Kurrë që në historinë e saj, Shqipëria nuk e ka parë këtë tablo krushqish. Kam frikë se do ta çojnë nga varrin Çeço Musarajn, Që është me të drejtën e zotit që të çohet nga varri dhe ta hedhë në gjyq Lulin për të drejtën e autorit.‘Kapella, kapella’,” vazhdon spektaklin Rama dhe si pa dashje i kujtohet drejtuesja politike e PD në Kavajë, Grida Duma. Ndoshta koincidenca edhe mund të shitej sikur përçmimin ta bënte me një foto më normale, por çfarë mund të presësh nga një njeri që grushton femra në publik, ndërsa kandidatet që kishte përzgjedhur, me heshtje e tyre e dhanë provimin, janë kafshë:

“Tani m’u kujtua Grida, krushka nga Kavaja me pishtarin e demokracisë dhe tërë relikën e historike. Karvanin e mbyll Paloka, me barkun ku i nxjerr kudo bardhakun. Nuk është për të qeshur, por është për të qartë me ‘oi’ se ku u katandis pas 30 vitesh PD. Po kur thonë “Shqipëria fiton!”. Oh zot po me kë fiton? Me kë? Me kë fiton? Një pensionist dhe një pensioniste, një mjek, dhe një mjeke, zgjidhet ky për mos të zgjedhur këto? Me këtë fiton Tirana? Ministrja jonë e shëndetësisë dhe e tyre. Më ishte përgjigjur Qirje Vangjeli për disa fjalë që kisha thënë për të, atyre fjalëve nuk i heq asnjë presje. Po Berati me kë fiton? Këtë e njihni është Ludoviku, që gëlltiti një lugë çorbë dhe ngeli tërë jetën debatikas. Po këtu në Kavajë kush fiton?! “Gridare, gridare, ohoho…”

“Me kë fiton Elbasani, me arsimin apo me filxhanin. Ky është Kukësi dhe kjo është Dibra, shërbëtori i Bashkisë së Londrës dhe i arratisuri i Bashkisë Kamëz, kjo është zgjedhja. Ja dhe zgjedhja për Korçën, me kë fiton me ktë zonjën majtas, apo me këtë lakuriqin djathtas, se më ka hyrë në fushën time duke dalë ashtu,” shprehet Kryetari i Partisë Socialiste duke hequr dhe çdo dyshim se kush ishte ai që i nxorri në media Bujar Leskajt fotot nga një event privat. Foto që u publikuan kur KLSH drejtohej nga Leskaj dhe denoncoi hajdutëritë e këtij njeriu që sot krekoset para fotove të kandidatëve për deputetë të partisë rivale:

“Ky është Leskua, kryetar i KLSH, foto e shkëputur nga një betejë në restorant, mundje e lirë mes miqsh pasi ka mbaruar gjithë rakia e lumit të Vlorës. Dje sikur kishte dhënë dorëheqjen, po sot në mëngjes i dolën avujt e rakisë. Ky është ministri i Arsimit, propozim që PD i bën Lezhës, e njihni Mark, Mark, Marku. Ky është një tjetër propozim, duke e konsideruar Lezhën vendin ku mund të hidhen gjithë librat falas, kanë çuar Markun dhe Gjekmarkun bashkë. Janë hall i madh këta. Urdhëro, ky është propozimi për demokratët e Gjirokastrës, Tritan Shehu. Ministri i Shëndetësisë në konkurrencë me atë tjetrin e LSI,” tha Kryetari i PS, Edi Rama dhe pasi u lodhë dhe nuk kishte më kë të akuzonte nga shqiptarët që nuk janë socialistë, i qartë se do të humbë, përfundoi:

“Kjo është PD, kjo është PS!”