30 vjet SHBA-Shqipëri, Yuri Kim: Ne jemi me Ju dhe ju jeni me ne!

Në 30 vjetorin e rivendosjes së marrëdhënieve diplomatike me Shtetet e Bashkuara, Ambasadorja e SHBA në Tiranë, Yuri Kim, uron duke kujtuar dhe fjalët historike të Sekretarit të Shtetit Baker që janë dhe realiteti i sotëm: Ne jemi me ju dhe ju jeni me ne!

“Më 15 Mars 1991, Flamuri i Shteteve të Bashkuara dhe Flamuri i Shqipërisë rivendosën marrëdhëniet, duke rilidhur zyrtarisht njerëzit e dy vendeve tona,” kujton Yuri Kim në reagimin e saj përmes rrjetit social Twitter këtë ditë historike kur erdhi Sekretari i Shtetit Baker në Shqipëri, dhe deklaratën e tij të famshme:

“Ne jemi me ju dhe ju jeni me ne! Kjo deklaratë mbetet e vërtetë sot. Do të jetë gjithmonë e vërtetë. Gëzuar!”