Videodëshmi/ “Ujë të pijshëm 24 orë”, PD: Dështak, premton të njëjtën gjë prej 8 vitesh!

Pas prezantimit të Programir të Edi Ramës për “Ujin dhe Energjinë” si dhe premtimin për 24 orë ujë të pijshëm, ka reaguar Partia Demokratike përmes Nënkryetarit Edi Paloka, duke sjellë dëshminë se kemi të bëjmë me një premtim të vitit 2013:

“Në 2013 premtoi të njëjtën gjë : “Ujë 24 orë në ditë” Ato që nuk i bëri në tetë vite, premton se do i bëj “mandatin e trete”!!!” thekson Edi Paloka në reagimin e tij përmes rrjetit social Facebook duke e shoqëruar dhe me një video ndërsa përfundon:

“Dështak dhe i pafytyrë! Gjykoni vetë a mund ti besohet këtij!”

Ndryshe, sot Kryeministri Edi Rama duke prezantuar Programin “Energjia dhe Uji” akuzoi Partinë Demokratike për gjendjen e krijuar ndonëse vetë është në pushtet që 8 vite ndërsa premtim kryesor kishte atë që kishte premtuar në vitin 2013: Garantojmë 24 orë Ujë të pijshëm!