Basha: Do heq traun! Rama: E të fillojë nga e para, rënia e gurëve, thyerja e qafës…
Kryetari i Partisë Demokratike, Lulzim Basha, tha se nuk do të merret me Ramën por Kryeministri Edi Rama, siç duket në mungesë të një oferte qeverisëse merret vetëm me liderin e opozitës, hap pas hapi, fjalë pas fjale, qytet pas qyteti. Kjo u pa qartë sot edhe në Berat kur vetëm akuzat ndaj opozitës kanë lënë gjurmë nga ligjërimi i tij në takimet që zhvilloi.
“I katërti në bronz thotë Edi Rama merret me mua. Po me kë të merrem! E dëgjuat ça tha: “Unë iu them njerëzve që mos m’u afroni, po ata duan”. Unë iu them; mbani maska, por ata duan të përqafohen me COVI-in”. Po si merret drejtimi i vendit me këtë nivel papërgjegjshmëri, me këtë nivel karakteri. Si mundet?! Mbrojtja e jetës është e para. Ç’na duhet vota, apo rezultati i zgjedhjeve, për të plagosur njerëz apo për të humbur njerëz.
Ai që do të marr drejtimin e vendit thotë; “Edi Rama ka frikë nga uragani i përballjes”. Cilit uragan ai i të shkuarit për lesh?! Po, unë kam shumë frikë për jetën e atyre njerëzve, dëmin e të tjerëve që s’janë aty fare. Mund të marrë jetën e atyre që nuk janë aty, sepse ora e tyre aty ka mbetur. Nuk është rastësi që kur ata drejtonin Tiranë, ngeli sahati i Tiranës. Nuk punonte. Shkoi në Cërrik, dhe kishte mbetur sahati. Ishte një nga ata. Ata kanë po atë orë. “Votoni për PD” thotë në Kukës se do të hiqet truan. Cili tra? E të fillojë prapë nga e para. Rënia e gurëve, thyerja e qafës, dhe rrëshqitja e makinave nga bora. Ne nuk mund të rrimë pa folur. S’jemi këtu në paradë bukurie.”
Program nuk ka, vazhdon pas tepsi e timon dhe me vaksina nëpër duar, ama Edi Rama kritikon Programin e rivalit politik.
“Ata janë nisur në dasmë. Ne jemi në ndeshje, midis zgjedhje të ndryshme për njerëzit. Jo po të rrimë të bërtasim; Rama ik! Po pse? Për çfarë arsye? Se nuk të mundim dot. ‘Rama ik’ se nuk të mundim dot. Mirë një fëmijë që mund të thotë; “Rama ik!’ po këta, gjithë këta burra. Po kur thonë; kemi program serioz! Po kanë program; do ulim prodhimin e qumështit të rrisim të djathit. Si rritet? Me sapun.”
Që akuzën e bënë më së miri, Kryeministri Edi Rama e konfirmoi në një takim me fermerët e zonës së Moravës në Berat, kur pas 8 viteve dështim ai u flet për vizionin e Partisë Socialiste për bujqësinë dhe objektivin, eksportet shqiptare të mbërrijnë në 1 mld dollarë në vit.
“Pavarësisht se namin e ka Lushnja, Berati është kthyer në një bujqësi të sipërmarrjes. Këta njerëz këtu, janë dëshmi nëse ke karakterin, punën e durimin, mund të ngjitesh në maja. Thonë shpesh gjatë kësaj kohe që jemi dhe në këtë fushatë, se ne s’paskemi program. Programi ynë është vizioni ynë, puna jonë, këmbëngulja dhe durimi ynë. Me vizion, karakter, me punë, e durim, ne do të vazhdojmë përpara duke zbatuar planin tonë të veprimin. Shqipëria është në kushtet sot, ku mund të pretendojë të bëhet kampione e Ballkanit në turizëm, argoturizëm dhe transporte bujqësore. Pa diskutim fare, me këto tre hallka, Shqipëria do të ketë mundësi të shkojë në një nivel tjetër, Këto të treja janë baza e një punësimi cilësor. Patjetër që punësimi është një sfidë, patjetër që rritja e vendeve të punës së paguara më mirë është një sfidë e jashtëzakonshme, por këtu do të ishte e pabesueshme, sepse se dinë fare ça bëhet në fshat, nëse do të dëgjonin të ardhurat reale, jo të këtyre këtu, sepse këta nuk kanë limit, këta njerëz e gdhijnë në sera, e gdhin në ara, në fabrikat e tyre. Eksportet do i çojmë mbi 1 mld dollarë. Bëhet fjalë për të gjithë Shqipërinë. Asnjëri nga këta si kanë ditur kthesat dhe skutat e labirintit në tregjet e huaja dhe bashkëpunimit me partnerë të tjerë, vjen dita që një njeri nga zona këtu, që e ka nisur duke mbledhur bimë medicinale, sot tregton në SHBA, Korenë e Jugut, pa diskutuar fare vendet e Evropës e Rajonit. Kjo është dije.”
Por edhe në Moravë të Beratit nuk e pranoi se hedhja e produkteve bujqësore është dështim absolut i qeverisë me orientimin e politikave por akuzoi fermerët për padije.
“Ashtu sikundër historia e hedhjes së produkteve, është e padijeve, nga ata që kanë qeverisur më parë. Ata kanë hedhur lekë me mbushur me karburante Mercedesët, ne nuk jemi në lartësinë e këtyre njerëzve akoma, kjo është një problem serioz, sepse këta dinë më shumë se ne në këtë punë. Këta janë dakord me mua që ne sot jemi pranë lartësisë ku këta janë, me atë që dimë e bëjmë. Koordinimi i këtyre dy forcave, na ka sjellë këtu për të parë sa shumë do të bëjmë akoma bashkërisht. Njerëzit në bujqësi duhet të kuptojnë që ujqër të vetmuar s’duhet të ketë, duhet të ketë grupe e organizime të një niveli tjetër. Si ujk i vetmuar jeton, por nuk siguron nivel jetese”, tha Rama.
