25 Prill, Edi Rama në delir: Me mua ose dhe njëherë të zhgënjejmë projektin që Zoti pati kur qëndisi Shqipërinë!

Shqiptarët edhe sot patën taksiratin të dëgjojnë Kryeministrin Edi Rama se si mundohet ta shes si sukses historik inaugurimin e Aeroportit të Kukësit me fluturimin nga Londra, ndonëse rezultoi se nuk kishte as fluturim ndërkombëtar dhe aq më pak sukses. Pavarësisht se ishte fjalimi më i dobët i tij si politikan, ai e publikoi sot një pjesë të fjalës së tij nga dita e djeshme duke përcjellë në delir një mesazh për zgjedhjet e 25 prillit ku shqiptarët, sipas tij, ose duhet ta votojnë “ngjitjen” e tij, që vetëm ai e sheh ose dhe njëherë tjetër të zhgënjejmë projektin që zoti pati kur qëndisi Shqipërinë.

“Kjo është koha jonë, ky është misioni ynë. Patjetër, ne sot të gjithë shqiptarët duhet që të shkojmë më 25 prill tamam si një test të karakterit tonë, dhe në këtë test të karakterit, shqiptarët duhet të vendosin,” tha Edi Rama duke përfunduar:

“Nëse do të vijojmë të ngjitemi, apo dhe njëherë tjetër të zhgënjejmë projektin që zoti pati kur qëndisi Shqipërinë.’’