Abuzoi me fondet, shkarkohet Drejtori i Teatrit Kombëtar, Altin Basha

Shkarkohet Drejtori i Teatrit Kombëtar, Altin Basha.

Vendimi për shkarkimin e Altin Bashës u mor në mbledhjen e sotme të Këshillit të Ministrave.

Ky shkarkim i Altin Bashës pas akuzave për shpërdorim të fondeve të Teatrit Kombëtar. Sipas akuzës, Basha kishte punësuar si kostumografe bashkëshorten e tij, Iliriana Basha, për shfaqjen “Vojçek” dhe e kishte paguar atë 11 milionë lekë për kostumet e kësaj shfaqje, rreth 840 mijë lekë për veshjet e çdo aktori.

Gjithashtu, sipas akuzës u publikuan edhe emra fiktivë, të cilët janë paguar sikur ishin pjesë e Teatrit.

Pas skandalit që shpërtheu për fondet e Teatrit Kombëtar nën drejtimin e Altin Bashës, reaguan aktorët duke theksuar se faturat e rreme dhe shpenzimet e dyshimta janë përdorur për interesat personale të individëve ndërsa akuzuar Drejtorin Altin Basha dhe bashkëshorten e tij, Iliriana Basha, për përfshirjen në këtë skandal; Ndërsa ministria e Ekonomisë, Kulturës dhe Inovacionit premton:

“Ministria e Ekonomisë, Kulturës dhe Inovacionit ka ndjekur me vëmendje, sikurse me shqetësim, zhvillimet e fundit mbi kronikat e transmetuara nga një emision investigativ lidhur me menaxhimin në Teatrin Kombëtar. Për të garantuar transparencën dhe përgjegjshmërinë institucionale, Ministri i Ekonomisë, Kulturës dhe Inovacionit, më datë 23.12.2024 ka urdhëruar ngritjen e një grupi pune për të inspektuar situatën dhe aludimet e ngritura lidhur me disa aspekte të produksionit në Teatrin Kombëtar,” thekson Ministria përmes një njoftimi duke u zotuar për hetime në Teatrin Kombëtar në mënyrë që të vërtetohen pretendimet e ngritura në emisionin investigativ “Piranjat”.

Për transparencë nuk u tha asgjë, madje as që bëhet fjalë si zakonisht, por Altin Basha u shkarkua përkundër gjithë mbështetjes dhe propagandës që bëri për Qeverinë e kryesuar nga Edi Rama.