Edhe Prokuroria e Përgjithshme refuzon Komisionin “Xhafaj”

Pas Gjykatës Kushtetuese, SPAK, ILD dhe Gjykatës së Lartë, edhe Prokuroria e Përgjithshme ka bërë të ditur se nuk do të marrë pjesë në Komisionin “Për thellimin e Reformave për Mirëqeverisjen, Sundimin e Ligjit dhe Antikorrupsionin për Shqipërinë 2030 në Bashkimin Evropian”, i njohur Komisioni ”Xhafaj”.

“Prokuroria nuk do të marrë pjesë me ekspertë si pjesë të nëngrupit të punës së komisionit, por ka njoftuar komisionin për caktimin e pikave të kontaktit të institucionit sipas fushave përkatëse të ekspertizës, të cilët do të bashkëpunojnë me komisionin në formën e dhënies së opinioneve mbi produktet e punës së këtij të fundit në të gjitha rastet që do t’u kërkohet prej tij,” thekson Prokuroia e Përgjithshme përmes një njoftimi, e gatshme të bashkëpunoj për çdo çështje të natyrës teknike që lidhet me kuadrin kushtetues e ligjor brenda të cilit funksionon prokuroria dhe sistemi i drejtësisë.

Ndryshe, Gjykata Kushtetuese ishte e para që refuzoi këtë Komisionin duke sqaruar se kjo mund të sjellë konflikt në ushtrim të funksionit të Gjykatës Kushtetuese.

“Për shkak të funksionit tonë, nuk mund të marrim pjesë në aktivitete që lidhen me procese ligjbërëse, pasi kjo mund të sjellë në të ardhmen konflikt në ushtrim të funksionit të saj, në kontrollin e pajtueshmërisë së ligjeve me Kushtetutën,” tha në përgjigjen e saj, Kryetarja e Gjykatës Kushtetuese, Holta Zaçaj.

Më pas Komisioni “Xhafaj” u refuzua edhe nga SPAK, ILD dhe Gjykata e Lartë!

Deklaratë:

Prokuroria e Përgjithshme ka shprehur vullnetin të bashkëpunojë me Komisionin e Posaçëm Parlamentar “Për thellimin e Reformave për Mirëqeverisjen, Sundimin e Ligjit dhe Antikorrupsionin për Shqipërinë 2030 në Bashkimin Evropian” për çdo çështje të natyrës teknike që lidhet me kuadrin kushtetues e ligjor brenda të cilit funksionon prokuroria dhe sistemi i drejtësisë.

Prokuroria nuk do të marrë pjesë me ekspertë si pjesë të nëngrupit të punës së komisionit, por ka njoftuar komisionin për caktimin e pikave të kontaktit të institucionit sipas fushave përkatëse të ekspertizës, të cilët do të bashkëpunojnë me komisionin në formën e dhënies së opinioneve mbi produktet e punës së këtij të fundit në të gjitha rastet që do t’u kërkohet prej tij.