Kapërcimi i Picassos drejt gjenialitetit

Në një biografi, sfidat janë padyshim shumë më interesante sesa suksesi. Kujtimet më të parezistueshme e përmbledhin përgjithësisht figurën e një të famshmi, duke nisur nga “Act One”, i Moss Hart, “George” i Emlyn Williams, deri te “The Moon’s a Balloon” i David Niven dhe “A Postillion Struck by Lightning” i Dirk Bogardes.

Këto janë tregime të këndshme, me shumë gjasa dhe hamendje. E bash në këtë shpirt e kam mirëpritur shumë biografinë e shkruar nga Miles J.Unger, me titull “Picasso and the Painting that Shocked the World” (Picasso dhe piktura që shokoi botën), që gjurmon fëmijërinë e artistit në Spanjë e deri tek koha e realizimit të “Les Demoiselles d’Avignon” më 1907, e që i është shtuar rafteve të rënda të botimeve për Picasson.

Veprat e Picassos të realizuara para vitit 1900, janë të shënjuara nga konservatizmi i shkollës së artit ndikuar prej të atit të tij, siç shihet në errësirën e veprës “First Communion” të vitit 1896 dhe “Science and Charity” nga viti pasues.

Picasso do të lirohej nga konventat e rënda të shekullit nëntëmbëdhjetë në Paris, qytet të cilin e vizitoi me mikun dhe kolegun e tij Carles Casagemas në tetor të vitit 1900./Koha/