KPA merr vendimin për Llallën, ja çfarë ndodh me ish-Kryeprokurorin…

Komisioni i Posaçëm i Apelimit, ka vendosur sot mbi të ardhmen e ish kryeprokurorit, Adriatik Llalla, ndërsa ky i fundit merrte pjesë në seancën gjyqësore.

Trupa gjykuese ka vendosur që në mungesë të vetë subjektit të rivlerësimit, seanca të shtyhet për 15 ditë, në mënyrë që në rradhë të parë të njoftohet vetë ish kryeprokurori për çështjen në fjalë. Avokati mbrojtës Sokol Hazizaj tha se ka mbi dy javë që nuk ka komunikuar me ish kryeprokurorin, çka solli që trupa gjykuese t’i bëjë një sërë pyetjesh në lidhje me ligjshmërinë e prokurorës së tij për përfaqësimin e Llallës.

Në përfundim të seancës, trupa vendosi që të rinisë diskutimi në 31 maj në orën 10:00.

Adriatik Llalla vendosi të dorëhiqet nga sistemi i drejtësisë duke anashkaluar kështu vettingun, ashtu siç dhe e parashikon ligji. Por me këtë vendim të ish kryeprokurorit nuk ka qenë dakort komisioneri publik i Shqipërisë, i cili ka vendosur që ta apelojë këtë vendim në organin apelues të Vettingut (KPA). Tashmë mbetet për t’u pritur fundi i muajit, për të kuptuar nëse Llalla do t’i nënshtrohet apo jo procesit të vettingut.

Vendimi

Trupi gjykues pasi u konsultua lidhur me situatën proceduariale të subjektit të vlerësimit, zotit Adriatik Llalla, duke u nisur nga qëllimi për të garantuar një proces të rregullt, të drejtën për tu sdëgjuar e dhënë të gjitha argumentat, pasi u njoh në seancë se subjekti i rivlerësimit nuk ka dijeni personale në këtë moment për aknimimin e paraiqtur nga komsioneri publik, vendos:

Ti kërkojë pëfaqësuesit, avokatit Sokol Hazizaj, plotësimin e prokurës, duke u shprehur në mënyrë të posaçme vullnetin për ti dhënë përfaqësuesit të tij tagrat ligjorë.

Trupi gjykues vendos të përsëritet njoftimi i ankimit për subjektin e rivlerësimit si dhe të njoftohet për seancën subjekti Adriatik Llalla.

Avokati mbrojtes i Llalles: Mendoj se jo më pak se 15 ditë do duhet. Në këto kushte çmoj që kjo të mbetet në vlerësim të gjykatës.

Gjykatësi: Jo më pas se 15 ditë? (diskutime mes gjyqtarëve)

Trupi gjykues, vendos të shtyjë këtë seancë gjyqësor për në datën 31 maj në orën 10:00.