Kryemadhit nuk i binden deputetët e LSI

Monika Kryemadhi, Kryetare e LSI-së, duket se nuk ka më kontroll në grupin parlamentar të partisë që drejton. Në seancën e sotme parlamentare, kur deputetët e opozitës u larguan nga salla e Kuvendit, sërisht një deputet i LSI-së, qëndroi në sallë, duke thyer vendimin e grupit.

Bëhet fjalë për deputetin e LSI-së në Shkodër, Argon Çela, i cili është fotografuar në vendin e tij në fund të sallës së punimeve të parlamentit, teksa kryeparlamentari Ruci po hidhte ligjet në votim.

Kujtojmë se vetëm pak seanca më parë, deputeti i LSI-së, Robert Bitri mbajti të njëjtin qëndrim dhe më pas doli nga grupi i LSI. Kurse më herët po nga radhët e LSI, thyen vendimin për largimin nga salla, deputet Vangjel Tavo dhe Lefter Koka.