Kupa e Botës/ Yjet spanjollë të Chelsea mbeten në shtëpi, ja 23 e Spanjës…

Sipas faqes së mirënjohur spanjolle në online, “Cope”, futbollistë të njohur të Chelsea dhe Barcelonas do të lihen jashtë përfaqësueses spanjolle që do të marrë pjesë në kampionatin botëror që do të zhvillohet në Rusi.

Pjesa më e madhe e 32 vendeve që do të marrin pjesë në Kupën e Botës 2018 e kanë publikuar listën e tyre përfshi Anglinë, Brazilin, Francën dhe Gjermaninë, ndërsa vetëm nesër do të mësohen futbollistët e Spanjës, 23 lojtarët e përzgjedhur nga Lopetegui.

“Cope” ka shkruar se duke iu referuar burimeve brenda stafit të Spanjës, Lopetegui nuk do të thërrasë tre futbollistët e Chelsea, Pedro, Cesc Fabregas dhe Alvaro Morata. Do të lihen në shtëpi edhe Hector Bellerin i Arsenal dhe Sergio Roberto i Barcelona, ndërsa rrezikon seriozisht edhe Javi Martinez i Bayern.

Ja cilët do të jenë 23 futbollistët e Spanjës sipas “Cope”: De Gea, Kepa, Reina, Pique, Ramos, Azpilicueta, Nacho, Odriozola, Alba, Carvajal, Busquets, Asensio, Iniesta, Isco, Saúl, Thiago, Koke, Lucas Vasquez, Marcos Alonso, Aspas, Rodrigo, David Silva dhe Diego Costa.