Pasi e bëri pis, Artan Grubi NON GRATA largohet nga politika
Pasi e bëri pis politikën, përçau me shumë sukses Bashkimin Demokratik për Integrim, dhe, u shpall NON GRATA nga Shtetet e Bashkuara për ndërhyrjet politike në gjyqësor, Ish-Zv/Kryeministri i Maqedonisë Veriut nga radhët e BDI, Artan Grubi vendosi të largohet nga politika.
“Sulmet e mëdha ndër vite, keqinterpretimet dhe goditjet e padrejta, më kanë bërë të reflektoj për rolin tim në këtë moment të rëndësishëm për vendin dhe për të ardhmen e tij.
Edhepse vendimi thotë që ky nuk është për të dënuar, por për të nxitur përmirësim të sjelljes, unë, përpara Zotit, familjes dhe miqve jam i pastër si loti, por me synimin për të zbardhur të vërtetën, të cilën shumë prej jush e shoh që tashmë e dini, dhe për të mos qenë barrë politike, kam vendosur që të tërhiqem nga jeta publike dhe për këtë e kam njoftuar Kryetarin Ahmeti qysh ditën e parë,” tha Artan Grubi në reagimin e tij përmes rrjetit social Facebook ndonëse asnjë shqiptar në Maqedoni të Veriut nuk pa reflektim nga ky njeri as gjatë fushatës së fundit zgjedhore kur me sjelljet e tij jo vetëm gjatë qeverisjes kontriboi në humbjen e partisë historike, BDI, në zgjedhjet e fundit parlamentare.
Të hënën e 9 dhjetorit, Departamenti amerikan i Shtetit ka publikuar listën e zezë ku nga Maqedonia e Veriut është shtuar Ish-Zv/Kryeministri nga radhët e BDI-së, Artan Grubi, dhe gjyqtari në Gjykatën e Apelit, Enver Bexheti.
“Në bazë të nenit 7031(c), Departamenti i Shtetit cakton publikisht Artan Grubin dhe Enver Bexhetin për përfshirjen e tyre në korrupsion të konsiderueshëm duke pranuar ryshfet për të minuar proceset gjyqësore të lidhura me dënimin penal të Sasho Mijallkov, drejtor i Drejtorisë për Siguri të Maqedonisë së Veriut dhe Kundërzbulimi. Mijallkov u caktua në vitin 2022 për korrupsion të konsiderueshëm sipas nenit 7031(c), dhe OFAC e sanksionoi atë në përputhje me E.O. 14033. Në kuadër të këtij aksioni janë caktuar edhe anëtarët e ngushtë të familjes së Grubit,” bënë të ditur Departamenti amerikan i Shtetit.
Për të qartësuar Ish-Zv/Kryeministrin e Maqedonisë Veriut, Artan Grubi, dhe ata që filloi ti bindë pse përfundoi në listën e zezë të Departamentit amerikan të Shtetit, reagoi Ambasadorja amerikane në Shkup, Angela Ageler, duke i dhënë fund dhe debatit PSE!
“Përzgjedhja e sotme e Artan Grubit dhe Enver Bexhetit është dëshmi se ndërhyrjet politike në gjyqësor nuk mund dhe nuk do të tolerohen. Shtetet e Bashkuara do të vazhdojnë të emërojnë ata që përfshihen në korrupsion që minon institucionet demokratike dhe gërryen besimin publik,” shprehet Ambasadorja amerikane Angela Ageler në reagimin e saj përmes rrjetit social X duke përfunduar:
“Askush nuk është mbi ligjin dhe llogaridhënia është thelbësore për përparimin!”
