PD bllokon Komisionin e Edukimit: S’ka seancë normale pa dorëheqjen e Xhafajt

PD bllokon Komisionin e Edukimit. “Derisa ministri i Brendshëm Fatmir Xhafaj të japë dorëheqjen nuk do të ketë as seancë dhe as komisione normale”. Ky është paralajmërimi i Partisë Demokratike nga salla e Komisonit të Edukimit dhe mjeteve të Komunikimit dhe Kulturës drejtuar kryeministrit Rama nga kreu i Grupit të PD, Edmond Spaho. Spaho me deputetët e tjerë të PD nuk kanë lejuar zhvillimin e punimeve, por kanë vazhduar me denoncimet kundër vëllaut të ministrit të Brendshëm Fatmir Xhafaj, i cili është i dënuar me 7 vite burg në Itali dhe vazhdon të shetis i lirë në tokën shqiptare.

Me deputetët e PS-së në këtë komision ka debatuar edhe Kryetarja e Komisionit, Albana Vokshi, duke theksuar se çfarë diskutimi mund të bëhet për trashëgiminë kulturore, kur po i lini drogë dhe vetëm drogë fëmijëve tanë. “Mos heshtni, mos u bëni palë me krimin shtetëror,” bëri thirrje Vokshi.

Pas këtyre debateve, mazhoranca ka tentuar të kundërpërgjigjet dhe në fund është larguar nga komisioni, për të mos u përballur me faktet.