Tarifa në rrugën e Kombit do të rrisë çmimin e biletës me 1 mijë lekë

Shoqata e Transportit Ndërqytetës ka paralajmëruar rritje të çmimit të biletës për të gjithë udhëtarët që duan të shkojnë në Kukës apo që vijnë në Tiranë, nëse tarifa e kalimit në rrugën e Kombit nuk ndryshon.

Kreu i kësaj shoqate, Kujtim Mema bën të ditur për Oraneës, se çdo muaj, një autobus duhet të pagujë, në traun e vendosur në kalimash, 900 euro, duke djellë një kosto të lartë dhe të papërballueshme, që në fakt duket se do të bjerë në kurrizin e udhëtarëve që do përdorin këtë transport duke paguar 100 lekë më shumë.

Sipas Memës, aplikimi i tarifës është një hap i pastudiuar mirë, sa kohë që udhëtarët që përdorin këtë rrugë nuk kanë siguri gjatë përshkimit, për shkak se rruga e Kombit ka shumë mangësi, si në sinjalistikë ashtu edhe në mbi e nënkalime.

“Ne jemi me teorinë që kur të vësh pagesë në një rrugë, duhet të kem siguri rrugore. Pagesa vendoset për mirëmbajtje dhe siguri rrugore. Kur ti mirëmban një rrugë që konsumohet, por ama ke edhe barrierën që të mos hyjë asnjë gjë në rrugë dhe ofron siguri rrugore”, tha ai.

Qeveria shqiptare ende nuk ka bërë të ditur nëse negociatat me kompaninë, që ka marë me konçension këtë rrugë, kanë përfunduar, çka mund të sillte ndryshim të vlerës së tarifës që banorët e zonës duhet të paguajnë për të kaluar në këtë rrugë.